Nyɔŋmɔ miisumɔ ni wɔhi shi yɛ toiŋjɔlɛ kɛ miishɛɛ mli yɛ paradeiso mli yɛ shikpɔŋ lɛ nɔ kɛya naanɔ!

Ekolɛ obaabi akɛ, ‘Te enɛ baafee tɛŋŋ aba mli lɛ?’ Biblia lɛ hãa wɔleɔ akɛ Nyɔŋmɔ Maŋtsɛyeli lɛ baahã enɛ aba mli, ni Nyɔŋmɔ miisumɔ ni mɛi fɛɛ akase nakai Maŋtsɛyeli lɛ kɛ nɔ ni ebaafee ehã wɔ lɛ he nii.​—Lala 37:11, 29; Yesaia 9:7.

Nyɔŋmɔ miisumɔ ni ahi ahã wɔ.

Tamɔ bɔ ni tsɛ kpakpa shweɔ ni ebii aná shihilɛ kpakpa lɛ, nakai nɔŋŋ wɔ-Tsɛ ni yɔɔ ŋwɛi lɛ hu miisumɔ ni wɔná miishɛɛ kɛya naanɔ. (Yesaia 48:17, 18) Ewo shi akɛ ‘mɛi ni feɔ esuɔmɔnaa nii lɛ baahi shi kɛya naanɔ.’​—1 Yohane 2:17.

Nyɔŋmɔ miisumɔ ni wɔnyiɛ egbɛi lɛ anɔ.

Biblia lɛ kɛɔ akɛ, wɔ-Bɔlɔ lɛ miisumɔ ni ‘etsɔɔ wɔ egbɛi lɛ ahe nii’ bɔ ni afee ni wɔnyɛ ‘wɔnyiɛ egbɛi lɛ anɔ.’ (Yesaia 2:2, 3) ‘Ehala mɛi komɛi kɛhã egbɛ́i lɛ,’ ni eto amɛhe gbɛjianɔ koni amɛhã ale esuɔmɔnaa nii yɛ shikpɔŋ lɛ nɔ fɛɛ.​—Bɔfoi 15:14.

Nyɔŋmɔ miisumɔ ni wɔfee ekome kɛjá lɛ.

Jamɔ krɔŋŋ ni Yehowa eto shishi lɛ kɛ mligbalamɔ baaa mɛi ateŋ, moŋ lɛ, ehãa mɛi feɔ ekome yɛ anɔkwa suɔmɔ mli. (Yohane 13:35) Ŋmɛnɛ lɛ, namɛi tsɔɔ hii kɛ yei ni yɔɔ he fɛɛ he lɛ bɔ ni afeɔ ekome kɛjáa Nyɔŋmɔ? Wɔmiifɔ̃ bo nine ni okase wolo nɛɛ koni ona hetoo lɛ.