Bondjé lé ki moun-yan viv pou tout-tan asou latè-a ki ké divini roun paradi. I lé ki moun-yan gen tchò kontan é ki yé viv annan lapè.

« Sa pa ké jen fèt ! » zòt ké di. Mé Labib-a ka di ki asiré pa pitèt sa ké fèt gras a rwayonm Bondjé-a. Bondjé lé ki tout moun konnèt plis bagaj asou sa i lé ké asou so rwayonm (Psaume 37:11, 29 ; Isaïe 9:7).

Bondjé lé sa ki bon pou nou.

Roun bon papa lé sa ki pi bon pou so pitit. A menm bagaj-a pou nou Papa ki annan syèl-a, i lé ki nou gen tchò kontan pou tout-tan (Isaïe 48:17, 18). I ka promèt nou : « Moun-an ki ka fè sa Bondjé lé ké viv pou tout-tan » (1 Jean 2:17).

Bondjé lé nou maché asou so chimen.

Labib-a ka di ki nou Kréyatèr lé « fè nou konnèt so chimen » pou nou « maché asou so chimen » (Isaïe 2:2, 3). I òrganizé « roun nasyon pou so non », pou fè konnèt so volonté asou tout latè-a (Actes 15:14).

Bondjé lé ki nou tout nou adoré l’ ansanm.

Vré rélijyon-an pa ka divizé moun-yan ; i ka rasanblé yé ké roun lanmou ki vré (Jean 13:35). Jòdla, kimoun ka anprann tout kalité wonm ké fanm adoré Bondjé yé tout ansanm ? Gadé répons sa ti liv-a ka bay.