Yálá kaa bɔ nukanŋaa di liilaa da kwəinɛɛ hɔlɔɓo a yələ kəlee da ŋɔɔ, Alizana hu lɔi mɛi.

Ə́ kaa kiɛ pai kɛi ma “ Yili a pɛli kɛi ləi ? ” Kɛlɛɛ Biblə kaa moi yɛ yili kaa pai kɛi Yálá ŋɔ Tɔɔlaa haalai. Yálá kaa bɔ nu kəlee ə Dɔɔlaa tii maa mɛni kɔlɔn, da niiɓa mɛni yii gaa gwəi yɛ hwilɛn na nukanŋaa diɛ. — Somə 37:11, 29, Traduction du monde nouveau ; Izai 9:7, TMN.

Yálá kaa gu wɔ mɛni lɛlɛɛ pɔ.

Lon gaa nán nɛlɛɛ a nonnii maa kiliŋahiɛ lɛlɛɛ kɛ, gu Nán Yálá yaa Kpɛli gaa bɔ gu kɛ gu nɛɛ hu a yələ kəlee da ŋɔɔ (Izai 48:17, 18, TMN). Aa mo yɛ “ yɛnɛɛ da ɉu mɛniɠaa [...] kəlee kaa pai tɛɛi, kɛlɛɛ, nui a Yálá liiɓa kɛ nwɛi hwa tɛɛ. ” — Záán dɔlɔɔ 2:17.

Yálá kaa bɔ guɔ hiɛ ŋɔ pələɠaa mɛi.

Biblə yɛ gu Pɛlimun kaa bɔ ə gu kalan “ ŋɔ kpaaləɠaa diɛ ” ə gɛ gu “ hiɛ ŋɔ pələɠaa mɛi ”. (Izai 2:2, 3, TMN.) Aa nua yɛɠɛ ɉu, aa “ di kɛ a ŋɔɔɠaa ” ə gɛ niiɓa ə kɔlɔn lɔi mɛi naa kəlee. — Túwɔ́ pələ 15:14.

Yálá kaa bɔ guɔ kwɛli hwilɛn ma yee lɔ gee hu.

Yálá ɓatoɔ leelee hwa nua ɓəlaɓo, kɛlɛɛ a di yee lɔ gee wɛlikɛmaa laa kpɔkpɔ hu (Záán 13:35). Gbɛɛ nua ɓə háákələi hinaa da nɛaa di kalan ɉii diɛ kóló kɛ Yálá ɓa yee lɔ gee hu kɛɛnaa kəlee ? Ku kaa bɔ ə́ gɛɛmaalən ŋɛi mukulaa kɔlɔn ɉɛɓɛi ŋɛi hu.