Tumpa oipota yaiko pɨagüive jare yerovia reve metei paraíso ɨvɨpe.

Ërei, ndepuere reyemongeta: “¿Këraitara kuae oyeapo?”. Tumpa Iñee jei yandeRu Irreino rupi yaupitɨta kuae. YandeApoa oipota opaete oikuaa Irreino jare mbae oyapota vae kuae ɨvɨre (Salmo 37:11, 29; Isaías 9:7).

Tumpa oipota ikavigüe yandeve guarä.

Yanderu rami oipota ikavigüe yandeve guarä jökorai yandeRu ara pegua oipota yayerovia katu opaete ara pegua (Isaías 48:17, 18). Iñeepe jei “Tumpa jemimbota oyapo vae oikota jekuae avei rupi” (1 Juan 2:17).

Tumpa oipota yaiko yandemboe rami.

Tumpa Iñee oporomboe yandeApoa oipota yandemboe “kërai yaiko vaerä, yaguata vaerä jae jemimbota rupi” (Isaías 2:2, 3). Jae oiparavo jare omboatɨ “tëta jae imbaerä” omoërakua vaerä Tumpa oyapota vaere (Hechos 15:14).

Tumpa oipota yamboete metei rami.

Religión oporomboe añetete vaere omborɨ tëtara reta oyoaɨu päve vaerä mbaetɨ oporomboyao reta (Juan 13:35). ¿Kia nunga religiónpa oporomboe kuimbae jare kuña opaete ɨvɨre vae oyeókuai vaerä Tumpape metei ramiño? Reväe vaerä yemongeta kuae marandure, romokı̵̈reɨ remongeta vaerä kuae kuatiarɨrure.