U Tienu bua ki tinga n tua ŋalijani, bi niba kuli n yaa ye o niinni, ki yaa pia li pamanli leni laafia yogunu kuli!

Li fidi yin buali yi yuli: bee n baa cedi laa maama n kua cain? Biibili wangi ke li tie leni U Tienu Diema todima. U Tienu bua tin bandi o Diema n tie yaala leni laa Diema n baa ti tieni yaala.—Matie 5:5; Esayi 9:7.

U Tienu bua tipo yaala n ŋani.

Baa kuli bua yaala n ŋani o bila po. U Tienu ti Baa yua n ye tanpoli bua, tin yaa ye leni li pamanli yogonu kuli. (Esayi 48:17, 18) O yedi: “yua n tiendi U Tienu yanbuama baa yaa ye hali yaa yogunu kuli”.​—⁠Jan Tikpiali 2:⁠17.

U Tienu bua tin ŋoadi o sani.

Biibili wangi ke ti tagido bua ki “bangi ti o sani, ke tin yaa cuoni yini yaa niinni.” (Esayi 2:2, 3) U Tienu gandi “yaa niba n baa yaa tie o buolu”, ke bani n baa wangi ki tinga kuli niba o yanbuama.—Jesu Tondiba Tuona 15:14.

U Tienu bua tin taani ki loli leni tiyaba o ŋoadima nni.

I moamoani jaanma naa paadi bi niba ba, o taani ki loli-ba i moamoani buama nni. (Jan 13:35) Dinli-​dinla ole jaanbuolu n todi i buoli kuli niba ke bi taani yanyenma U Tienu ŋoadima nni? Li nee tili ba todi-​yi yin bandi laa jaanbuolu.