Dirava ia ura tanobada paradaisona ai do ita noho hanaihanai, mai moale bona maino danu!

To, reana oi henanadai: ‘Edena dala ai unai ia vara diba?’ Baibel ia gwau Dirava ena Basileia ese unai do ia karaia, bona Dirava ia ura ita ibounai ese ita dibaia gaudia be inai: (1) Iena Basileia, bona (2) Dirava ia ura inai tanobada ita noholaia hanaihanai.​—Salamo 37:11, 29; Isaia 9:7.

Dirava ia ura namo ita davaria.

Tama namona ta ia ura ena natuna ia moale hanaihanai hegeregerena, iseda guba Tamana ia ura ita moale hanaihanai. (Isaia 48:17, 18) Iena gwauhamata be inai: “Dirava ena ura ia karaia tauna be do ia noho hanaihanai.”—1 Ioane 2:17.

Dirava ia ura ena dala dekenai ita raka.

Baibel ia gwau, eda Dirava ia ura “iena kara ita dekenai do ia hadibaia,” unai amo “ena dala dekenai do ita raka.” (Isaia 2:2, 3) Ia ese “haida ia abia hidi ena ladana idia abia totona,” unai amo idia ese Dirava ena ura be tanobada ibounai dekenai do idia harorolaia.​—Kara 15:14.

Dirava ia ura ia ita tomadiho henia karana amo ita ia hatamonaia.

Iehova ena tomadiho goevana be taunimanima ia hapararaia lasi, to lalokau amo ia hatamonadia. (Ioane 13:35) Hari, gabu ibounai dekenai, daidia ese tatau bona hahine idia hadibaia, mai lalotamona ida Dirava idia hesiai henia totona? Haere oi diba totona, oi ai noia inai buklet oi stadilaia.