Mukuru u vanga kutja tu hupe mohange nondjoroka moparadisa kombanda yehi nga aruhe!

Ove mape ya o himwa kutja, ‘Ihi mape ya atji tjitwa vi?’ Ombeibela mai tja Ouhona waMukuru mau yenenisa oviṋa avihe mbi, nu ombango yaMukuru oyokutja ovandu avehe ve rihonge ohunga nOuhona mbwo nondando ye ku eṱe.​—Epsalme 37:11, 29; Jesaja 9:7.

Mukuru u vanga okutuvatera.

Otja ihe ngwa suvera ovanatje ve, tje ve zerira ouwa, Tate womeyuru wina u zera kutja tu kare nouṋingandu oukarerere. (Jesaja 48:17, 18) Eye wa kwizika kutja ingwi ‘ngu ma tjiti ombango Ye, eye ma karerere nga aruhe.’​—1 Johanes 2:17.

Mukuru u vanga kutja tu kayende mozondjira ze.

Ombeibela i tja Omuute wetu u vanga ‘okutuhonga ozondjira ze’ kokutja tu yenene ‘okukawondja momirari vye.’ (Jesaja 2:2, 3) Eye we ritoororera “otjiuaṋa kena re” kokutja ma tjiukise ombango ye mouye auhe.​—Oviungura 15:14, EEP.

Mukuru u vanga kutja tu rikotamene ku ye mongamburiro imwe.

Omerikotameneno waJehova kaye haṋa ovandu, nungwari ye ve wanisa morusuvero rwatjiri. (Johanes 13:35) Ongamburiro iṋe ndino ndji honga ovarumendu novakazendu mouye auhe omuano wokukarera Mukuru moruwano? Matu ku ṋanga okupaha eziriro kepuriro ndo mokuungurisa okambo nga.