Ṛebbi yebɣa ad εicen yemdanen i dima di sseεd d lehna ɣef lqaεa ara yuɣalen d lǧennet.

A s-​tiniḍ ahat: “Ayagi d lmuḥal!” Meεna, Adlis Iqedsen yenna-​d belli d ayen ara texdem Tgelda n Ṛebbi. Ṛebbi yebɣa ad issinen yemdanen meṛṛa akteṛ n leḥwayeǧ ɣef lebɣi-​s ţ-​ţgelda-​s.—Ahellil 37:11, 29; Icεaya 9:6.

Ṛebbi yebɣa-​yaɣ lxiṛ.

Ababat yelhan yeţmenni ayen yellan d lemxeyyeṛ i warraw-​is. Ula d Baba-​tneɣ n igenwan yebɣa-​yaɣ a nεic di sseεd i lebda. (Icεaya 48:17, 18) Atan d acu i gewεed: “Win ixeddmen lebɣi n Yillu ad yili i dayem.”—1 Yuḥenna 2:17.

Ṛebbi yebɣa a neddu deg iberdan-​is.

Adlis Iqedsen isskanay-​ed belli yebɣa Uxellaq-​nneɣ “a ɣ-​imel iberdan-​is” bac “an-​neddu deg-​sen.” (Icεaya 2:2, 3) Ihegga “yiwen n wegdud [...] i yisem-​is”, iwakken ad yeţwassen lebɣi-​s ɣef lqaεa kamel.—Lecɣal 15:14.

Ṛebbi yebɣa a t-​neεbed di tdukli.

Leεbada n ṣṣeḥ ur tferreq ara lεibad; tesdukkul-​iten s leḥmala taḥeqqanit. (Yuḥenna 13:35) Ass-​a, anwa i gesselmaden i lεibad meṛṛa, ama i yergazen ama i tlawin, akken ad qedcen ɣef Ṛebbi di tdukli? Aţ-​ţafeḍ leǧwab di treẓẓit-​agi (tazmamt-​agi).