Ɛbɛ Ɛsɔ sɔɔlɩm kɛnaa?
Ɛsɔ sɔɔlaa se ɖɩcaɣ laŋhɛzɩyɛ nɛ koboyaɣ pa-taa tɛtʋ yɔɔ tam!
Ɛlɛ, pɩtɩla ŋwɛɛ nɛ ŋpɔzʋʋ ña-tɩ se: ‘Wiɖiyi pɩkaɣ labʋ mbʋ?’ Bibl yɔɔdʋʋ se Ɛsɔ Kewiyaɣ kaɣ yebu nɛ pɩla mbʋ wiɖiyi; nɛ Ɛsɔ ñɩnɩɣ se ɛyaa tɩŋa ɩkpɛlɩkɩ nɛ patɩlɩ e-Kewiyaɣ ŋga nɛ tamaɣ ŋga ɛlabɩ ɖɔ-yɔɔ yɔ.—Keɣa 36:11, 29; Izaayii 9:7.
Ɛsɔ sɔɔlaa se piɖeni-ɖʋ.
Ɛzɩ caja kɩbanʋ nɔɔyʋ ñɩnʋʋ se piɖeni e-piya yɔ, mbʋ ɖɔɖɔ ɖa-Caa weyi ɛwɛ ɛsɔdaa yɔ ɛñɩnɩɣ se ɖɩwɛɛ koboyaɣ taa tam. (Izaayii 48:17, 18) Ɛha-ɖʋ lidaʋ se “weyi ɛlakɩ Ɛsɔ sɔɔlɩm yɔ, ɛwɛɣ tamtam.”—1 Yohanɛɛsɩ 2:17.
Ɛsɔ ñɩnɩɣ se ɖɩɖɔ ɛ-nʋmɔŋ taa.
Bibl yɔɔdʋʋ se ɖa-Lɩzɩyʋ sɔɔlaa se “ɛwɩlɩ-ɖʋ ɛ-nʋmɔŋ” nɛ ɖɩpɩzɩ nɛ “ɖɩɖɔ ɛ-nʋmɔsɔkasɩ taa.” (Izaayii 2:2, 3) Ɛñɔɔzɩ “samaɣ nakɛyɛ nɛ payaa-kɛ nɛ ɛ-hɩɖɛ” se kala nɛ patɩlɩ ɛ-sɔɔlɩm tɛtʋ kpeekpe yɔɔ.—Tʋma Labʋ 15:14.
Ɛsɔ sɔɔlaa se ɖɩla nɔɔ kʋyʋmaɣ nɛ ɖɩsɛɛ-ɩ.
Yehowa kele kele sɛtʋ ɛɛtayɩɣ ɛyaa hɛkʋ taa, ɛlɛ tiyeki se nɔɔ kʋyʋmaɣ ɛwɛɛ pɛ-hɛkʋ taa nɛ pɔsɔɔlɩ ɖama siŋŋ. (Yohanɛɛsɩ 13:35) Sɔnɔ, mba wɩlɩɣ ɛyaa ɛzɩma pɩwɛɛ se pɛsɛɛ Ɛsɔ nɔɔ kʋyʋmaɣ taa yɔ paa le? Ðitendiɣ-ŋ se ŋtɩŋnɩ hatʋ cabɩ takayaɣ kanɛ kɔ-yɔɔ nɛ ŋtɩlɩ-wɛ.
Kalɩ ɖɔɖɔ....
ƐYAA MBA ÐƖKƐNAA?
Ɛzɩma ɖɩkpɛlɩkɩɣnɩ ɛyaa Bibl?
Pasɩm Yehowa Aseɣɖe Tɩnaa ɛjaɖɛ kpeekpe yɔɔ se pɛkpɛlɩkɩɣnɩ Bibl falaa. Cɔnɩ nɛ ŋna ɛzɩma palakɩ yɔ.
ƐYAA MBA ÐƖKƐNAA?
Ɛbɛ yɔɔ pɩwɛɛ se ɛyʋ ɛkpɛlɩkɩ Bibl?—Kɩɖaɣlʋʋ
Bibl sɩnɩ ɛyaa miiliyɔɔwaa sakɩyɛ ɛjaɖɛ kpeekpe yɔɔ nɛ panɩɩ tɔm kɩcɛyɩtʋ ndʋ pɔpɔzʋʋ pa-tɩ yɔ, tɩ-taa. Ŋsɔɔlaa se ŋkɛ pa-taa nɔɔyʋ na?
