Kal ki é vontadi di Deus pa nos?
Kal ki é vontadi di Deus pa nos?
Deus krê pa nu vive na paraízu na Téra pa tudu ténpu na pas ku filisidadi.
Má bu pode pergunta: ‘Kel-li ta ben kontise mê?’ Bíblia ta fla ma sin i é Reinu di Deus ki ta ben faze-l. El ta fla tanbê ma se vontadi é pa tudu algen sabe di es Reinu i di kuzê ki el krê pa nos. — Salmo 37:11, 29; Isaías 9:7.
Deus krê kel ki é midjór pa nos.
Sima un bon pai krê kel ki é midjór pa se fidjus, nos Pai ki sta na Séu krê pa nu ser filís pa tudu ténpu. (Isaías 48:17, 18) Deus promete ma ken ‘ki faze se vontadi ta kontinua ta vive pa tudu ténpu’. — 1 João 2:17.
Deus krê pa nu anda na se kaminhu.
Bíblia ta fla ma Jeová, nos Kriador, krê inxina-nu pa nu anda na se kaminhu. (Isaías 2:2, 3) El pripara ô organiza ‘un povu pa se nómi’ ki ta djuda tudu algen na Téra konxe se vontadi. — Atus 15:14, Bíblia na Progrésu di Traduson pa Lingua Kabuverdianu (BPK ).
Deus krê pa nu sta unidu na se adorason.
Adorason verdaderu di Jeová ka ta sipara ningen, el ta uni-s ku amor di verdadi. (João 13:35) Ken ki gósi sta ta inxina pesoas na mundu interu modi ki nu ta sirbi Deus tudu unidu? Nu ta konvida-u pa bu atxa respósta na es folhetu li.
Bu pode gosta di kes-li tanbê
NOS ORGANIZASON
Kuzê ki é un studu di Bíblia?
Na mundu interu, Tistimunhas di Jeová é konxedu pa studu di Bíblia ki es ta oferese di grasa. Odja modi ki ta studadu.
NOS ORGANIZASON
Pamodi ki nu debe studa Bíblia?
Bíblia sta ta da respóstas pa perguntas más inportanti di vida, pa milhons di algen na mundu interu. Bu krê ser un di es?
