Iebhi o Vondadi ia Nzambi?
Nzambi ua mesena kuila tu kala ni paze, ni ku zediua mu palaízu mu ixi hádia ni hádia!
Eie u tena ku diuana, ‘kiebhi kiki kia-nda bhita?’ O Bibidia i tanga kuila o Utuminu ua Nzambi, ua-nda bhanga kiki, ua-nda bhangesa kuma o vondadi ia Nzambi, o athu oso a di longa ia lungu ni Utuminu, ni vondadi iê phala etu.
Nzambi ua mesena kuila, tu katule mbote.
Kala o tata iambote u mesena o mbote phala o tuana tuê, o Tata ietu ia diulu ua mesena kuila, tu kale ni kuzediua ku nangenena. (Izaia 48:17, 18) Muéne ua kanena kuila “uoso-phe u bhanga o vondadi ia Nzambi, ió muéne o muthu u nangenena.”
Nzambi ua mesena kuila, tu e-nda mu jinjila jê.
O Bibidia i zuela kuila o Mubhangi uetu, ‘u tu longesa kioso kiene o jinjila jê’ mukonda dia kiki, tu tena ‘kuenda mu ikoka iê.’ (Izaia 2:2, 3) Muéne uene mu kuongeka “o mundu uê uangene mu dijina diê” phala ku ijidisa o dijina diê mu ixi ioso.
Nzambi ua mesena kuila, tu diongeka phala tu mu bheze
Mu veji dia kumuangununa o athu, o ubhezelu ua kidi ua Jihova, uongeka mu henda ia kidi. (Nzuá 13:35) Lelu, nanhi uene mu longa ku athu bhu ididi ioso, kusidivila kumoxi Nzambi? Tua mesena kuila eie uijiia o maka enhá, bhu kaxi ka kadivulu kaka.
Eye Nange Wandawabhela we o Maka Yá
IA LUNGU N’ETU
Kiebhi Kia Longa o Bibidia?
Ku mundu uoso o Jimbangi ja Jihova a beta kua ejiia mukonda dia ukexilu uâ ua ku longa o Bibidia ku athu sé ku a bhinga kitadi. Tala kiebhi kiki kiene mu bhita.
IA LUNGU N’ETU
Mukonda Diahi Tua Tokala ku di Longa o Bibidia?
O Bibidia i tambuijila o ibhuidisu ia beta-o-kota iene mu di bhanga mazunda ni mazunda a athu mu ngongo? Ua mesena ué?
