Nzambi zola beto zinga na kiyenge mpe na kiese mvimbamvimba na paradiso awa na ntoto!

Kasi nge lenda kikuyuvusa mutindu yayi: ‘Yinki mutindu yau kesalamina?’ Biblia metuba ti Kimfumu ya Nzambi nde kesala yau, mpe luzolo ya Nzambi kele ti bantu nionso bazaba Kimfumu yango mpe mambu yina yau kesadila beto.​—Nkunga 37:11, 29; Yezaya 9:7.

Nzambi zola beto vuanda na luzingu ya mbote.

Mutindu kaka tata yina ya nzola kezolaka ti bana na yandi vuanda mbote, Tata ya beto na dizulu yandi diaka zola beto vuanda na kiese mvimbamvimba. (Yezaya 48:17, 18) Yandi mesila ti “muntu nionso yina kena sala luzolo ya Nzambi yandi kezinga mvula na mvula.”​—1 Yoane 2:17.

Nzambi zola beto tambula na banzila na yandi.

Biblia metuba ti Mvangi na beto kezolaka ‘kulonga beto banzila na yandi’ samu beto ‘tambula na yau.’ (Yezaya 2:2, 3) Yandi mekubika ‘kimvuka mosi ya bantu samu na nkumbu na yandi,’ samu batubila luzolo na yandi na yinza ya mvimba.​—Bisalu 15:14.

Nzambi zola beto sambila yandi na bumosi.

Nsambudulu ya kuvedila ya Yehova kekabulaka bantu ve; yau kesangisaka bau na nzola ya kedika. (Yoane 13:35) Bubu yayi, banani kena longa bantu nionso na bisika nionso mutindu ya kusadila Nzambi na bumosi? Beto melomba nge nge baka mvutu na mua mukanda yayi.