Lesa ulisuni ayi tunokala muluumuno alimwi mulusangalalo pacishi ca panshi kwamuyayaya!

Ono inga mwaliipusha ayi, ‘Ino ici inga cakonsheka buyani?’ Baibo ilaamba ayi Bwaami bwakwe Lesa mbweshi bukalengeshe ayi ici cikacitike, alimwi Lesa ulisuni ayi bantu boonse baiiye sha Bwaami bakwe akuyanda kwakwe pali ndiswe.—Kulumbaisha 37:11, 29; Isaya 9:7.

Lesa ulisuni kwaamba ayi tunoosangalala.

Bweenka mbuli mushali mubotu mbwaasuni ayi bana bakwe shinobeendela kabotu shintu, alakwe Ishiwesu wakwiculu ulisuni ayi tube alusangalalo lutamaani. (Isaya 48:17, 18) Washomesha ayi “uyo ucita kuyanda kwakwe Lesa, ulaba abuumi butamaani.”—1 Joni 2:17.

Lesa ulisuni ayi tunokweenda munshila shakwe.

Baibo ilaamba ayi Mulengi wesu ulisuni ‘kutwiisha nshila shakwe kwaamba ayi tunokweenda kweelana ambwaasuni.’ (Isaya 2:2, 3) Wacatanya “bantu baliina lyakwe” kwaamba ayi baambilishe kuyanda kwakwe nsengwe yoonse.—Milimo 15:14, NWT

Lesa ulisuni ayi tube bacatene mukumulambila.

Muciindi cakupalanganya bantu, kulambila kusalalite kwakwe Yehova kulabacatanya mulusuno lwancinencine. (Joni 13:35) Ino mbaani munshiku shino batokwiisha bantu kuli koonse kulambila Lesa mulucatano? Twamusenga ayi mucane cikumbulo mubuloshuwa iyi.