E Mizhokjimi nee ke me ra mⱥji rga minji kja ne Xoñijomꞹ kʼꞹ me rga zøø texe yo paa.

Bʼꞹma ri mange dya ga kjuanakʼo, pe e Mizhokjimi mama kja ne Biblia ra ñɇme o Reino ngekʼua ra mandaba kja ne Xoñijomꞹ, ma ra zⱥdʼⱥ kʼe paa nge ma ra tsjaakʼo. E Mizhokjimi nee ke texe yo ntee ra mba̱ra̱ji pje ra tsjaa kʼe Reino (Salmo 37:11, 29; Isaías 9:7).

E Mizhokjimi nee ke ra minji na joo.

E Mizhokjimi me sʼiyazgoji, chjenjui nzakja yo tata kʼo me sʼiya o tsʼitrʼiji. Nee ke me ra mⱥji rga minji xo nee ke ra minji nrrexe yo paa (Isaías 48:17, 18). Ne Biblia mama ga kjaba: “Ma kjo kʼo ra tsjaa jakʼo nzi ga nee Mizhokjimi, ra bʼꞹbʼꞹtjo para siempre” (1 Juan 2:17).

E Mizhokjimi xitsʼkoji pje ra kjaji.

Ne Biblia mama ke e Mizhokjimi “jitsʼkoji [kja] o jñaa ja rga nzhodʼꞹji kja o ñʼiji” (Isaías 2:2, 3). E Mizhokjimi o juajnꞹ ntee kja ne Xoñijomꞹ ngekʼua ro nⱥmbʼⱥji pje ni chju̱u̱ angeze. Nee ke texe yo ntee kʼo ka̱ra̱ kja ne Xoñijomꞹ ra mba̱ra̱ji pje ra tsjaa (Hechos 15:14).

E Mizhokjimi nee ke ra kjaji kʼo nee angeze.

Kʼe religión ke na kjuana kjaakʼo, angezeji sʼiyaji in dyoji zo nʼaño ja menzumꞹji (Juan 13:35). ¿Kjo ngeje kʼo jichiji yo ntee ra tsjaji kʼo mama Mizhokjimi? Ri xørꞹ ne skuama ngekʼua ri pa̱ra̱.