I Cani Cino Leza Akaalonda?
Leza akaalonda ukuti tuce twikale umutende nu kuya ni nsansa umu paladaise amanda pe!
Nomba, limwi mungazunguka muti, ‘Uzye kwene ivintu vya musango uu vingacitika?’ Baibo ikati Uwene wakwe Leza ulio ulacita ivintu vii, nupya Leza akaalonda ukuti antu yonsi yamanye ningo Uwene, na vino akaalonda ukuti twaikala.—Masamu 37:11, 29; Ezaya 9:7.
Leza akaalonda ukuti ivintu vyatuziipila.
Tata witu uwa mwiyulu akalondesya ukuti twaya ni nsansa amanda yonsi; waya wa monsi umwi aakalondesya ukuti ana yakwe yaikala ningo. (Ezaya 48:17, 18) Watulaya ukuti wensi “akacita ukulonda kwakwe Leza akaikalilila manda pe.”—1 Yoane 2:17.
Leza akaalonda ukuti twakonka vino akutuneena
Baibo ikati Kaumba witu akaalonda ukutusambilizya vino tufwile ukucita pakuti twalondela inzila zyakwe. (Ezaya 2:2, 3) Wakonganika “antu yakwe” aakaomvya izina lyakwe pakuti yaasimikila antu amu nsi yonsi pali vino akaalonda.—Milimo 15:14.
Leza akaalonda ukuti twaombela pamwi lino tukumupepa
Kupepa Yeova kusipaatukanya antu lelo kukayalenga ukulaombela pamwi nu kutemwana sana. (Yoane 13:35) Uzye ndakai aantu ci aakasambilizya antu yauze umu nsi yonsi pali vino yangaombela Leza capamwi? Mukwai welengini umu kabuku kwene kaa pa kuti mumanye amasuko.
Limwi Mungatemwa Ukulolako na Vii
PALI SWESWE
I Vyani Vikacitika pi Sambililo Lya Baibo?
Umu nsi yonsi ya Nte Yakwe Yeova yamanyikwa ukuti yakasambilizya antu Baibo uwila sile. Ilolelini vino yakacita.
PALI SWESWE
U Mulandu ci Uno Mulinzile Ukusambilila Baibo?
Baibo ika-azwa antu aingi sana umu nsi yonsi ukuzana masuko ku mauzyo acindame sana. Nga mwemo mutanga mutemwe?
