Юмын эрыкше могай?
Юмо мыланна рай мландыште курымеш илаш йӧным пуынеже!
Те, очыни, йодыда: «Кузе тиде лийын кертеш?» Шке эрыкшым шукташ манын, Юмо Кугыжанышыжым кучылтеш. Тыге Библийыште возымо. Тудын Кугыжанышыже калыклан шуко суапым конда, сандене Кугыжанышыж нерген Юмо кажне еҥлан палдарынеже (Псалом 36:11, 29; Исаия 9:7).
Юмо мемнам пиаланым ужнеже.
Кузе поро ача шке шочшыжлан эн сайым веле тылана, тыгак кавасе Ачана мыланна пиалан да курымеш илышым пуаш шона (Исаия 48:17, 18). «Юмын эрыкшым шуктышо курым-курымеш кодеш» манын, тудын Шомакыштыже ӱшандарен возымо (1 Иоаннын 2:17).
Юмо тудын корныж дене коштмынам ужнеже.
Мемнам ыштыше Юмо «шке корныжлан туныкта, да ме тудын корныж дене кошташ тӱҥалына» манын, Библийыште каласыме (Исаия 2:2, 3). Шке эрыкшым уло тӱнялан палдараш манын, Юмо «Шкаланже калыкым» поген (Апост. пашашт 15:14).
Юмо тудлан пырля ушнен служитлымынам ужнеже.
Кызытсе тӱняште еҥ кокласе кыл лушкыдемын гынат, Иегован служитлышыже-влак коклаште чын йӧратымаш уло. Тидлан кӧра нуно иктеш ушымо улыт (Иоаннын 13:35). Юмылан ушнен шоген служитлаш кызыт кӧ туныкта? Вашмутым муаш тиде брошюр полша.
Вас также может заинтересовать
МЕМНАН НЕРГЕН
Библийым шымлымаш кузе эртаралтеш?
Тӱня мучко Иегован Таныкше-влак тӱлыде Библий шымлымашым эртарымышт дене палыме улыт. Кузе тыгай шымлымаш эртаралтеш, ончалза.
МЕМНАН НЕРГЕН
Молан Библийым шымлаш кӱлеш?
Библий уло тӱня мучко илыше миллионло еҥлан илыш дене кылдалтше кугу йодыш-влаклан вашмутым кычал муаш полша. Тудо тыландат полшыжо манын, кумылда уло мо?
