¡ToTeotsij kineki ma tiitstokaj nochipa ika tlayolseuilistli uan ika pakilistli ipan se xochimili ipan Tlaltipaktli!

Uelis ta timoiljuia: “¿Nelia onkas se xochimili?”. Biblia kiijtoua toTeotsij iTlanauatijkayo temachtli kichiuas. ToTeotsij kineki nochi ma kimatikaj tlen kichiuas iTlanauatijkayo uan tlen kineki kinmakas maseualmej (Salmo 37:11, 29; Isaías 9:7).

ToTeotsij kineki kuali ma tiitstokaj.

Kej se tetata kineki kuali ma itstokaj ikoneuaj, toTata tlen itstok iluikak nojkia kineki nochipa ma tiyolpakikaj (Isaías 48:17, 18). Ya temachtli kiijtoua katli “kichiua tlen toTeko kineki, itstos para nochipa” (1 Juan 2:17).

ToTeotsij kineki techyakanas.

Biblia technextilia toTeotsij kineki techmachtis “tlen kineki ma tijchiuakaj” uan kej nopa uelis techyakanas “ipan iojui” (Isaías 2:2, 3). Yeka ya kichijtok ma mosentikapaleuikaj “sekij inijuantij para kiueyichiuasej” uan kiampa ma kimatikaj ipan nochi Tlaltipaktli tlen toTeotsij kineki ma mochiua (Hechos 15:14).

ToTeotsij kineki sansejko ma tijueyichiuakaj.

Ipan religión katli melauak amo kinmachtiaj ma mokualankaitakaj. Nochi kuali mouikaj pampa nelnelia moikneliaj (Juan 13:35). ¿Ajkia inijuantij kampa ueli temachtiaj sansejko ma kitekipanokaj toTeotsij? Tijmatis tlaj timomachtis ni pilamochtsi.