Yookhwela ya Muluku Tiheeni?
Muluku onachuna wi hiyaano nikhale ni murecele ni ohakalala okhala wookhala mparataiso veelaponi yavathi!
Akhweya munniikoha, ‘Ela enii yeereye mwawiihai?’ Piipiliya onaloca wi enahaala weereya moorweela wa Omwene wa Muluku, nave Muluku onachuna wi achu oothene ehuserye vooloca sa Omwene owo ni yookhwela awe wa hiyo.
Muluku onachuna wi niphurevo echu.
Hiihaa ntoko tiithi aphaama onachuna saphaama ntakhara anaawe, Atiithihu awirimu anachuna wi nipuhe ohakalala woohimala. (Yesaya 48:17, 18) Awo aalaiherya wi yoowo “onerano okhwela wa Muluku onnikhalelaru okhala wokhala.”
Muluku onachuna wi hiyo nchare iphiro sawe.
Piipiliya onii Mpatuxa ahu onachuna wi ‘anthonyerye iphiro sawe’ wi hiyaano niwerye ‘othxara seiho.’ (Isaiya 2:2, 3, Bibiliya Nsu na Muluku) Owo ohaareherya “atchu a nsina nawe” wi elaleerye yookhwela awe veelaponi yoothene yavathi.
Muluku onachuna wi naataane mu omulapela wahu.
Ohiya waakawanya achu, malapelo aweela a Yehova, osivela weeparipari. (Yohane 13:35) Taani anaahusiha achu makupa oothene mukhalelo wa omurumeela Muluku vamoha? Nyuwo munahaala osuwele moorweela wa eproxura ela.
Akhweya Tho Mwaahaala Osiveliwa
HIYAANO NAANI
Tiheeni Eneereya mu Yoohuserya ya Piipiliya?
Orukurerya elapo, Anamoona a Yehova aasuweliwa ntakhara marehereryo anavahaaya a omuhuserya Piipiliya mahaleene. Moone mukhalelo enapakiwaaya.
HIYAANO NAANI
Ntakhara heeni omuhuserya Piipiliya?
Piipiliya onnavaha maakhulo a makoho matokotoko a okumi wa macikhwi a achu orukurerya elapo. Mwaanasiveliwa okhala mmoha a yaawo?
