¿Te̱ kineki Dios iga tejeme̱n?
Dios kineki iga nochipa matiye̱ʼonokan wan matipa̱kikan pan se̱ monsajta̱jli.
Pero anka téj timotajtani: «¿Kén wel mochi̱wa inó̱n?». Biblia kijtowa iga Irreinoj Dios yawi kichi̱wati iní̱n. Yej te̱chij, kineki iga nochimej maki̱xmatikan Irreinoj wan te̱ tejté̱ ye̱kti yawi kichi̱wati iga tejeme̱n (Salmo 37:11, 29; Isaías 9:7).
Dios kineki yej ma̱j ye̱kti iga tejeme̱n.
Ijkó̱n ken se̱ te̱taj kineki yej ma̱j ye̱kti iga ipilowa̱n, Totaj yej onoʼ ajko kineki iga nochipa matipa̱kikan (Isaías 48:17, 18). Yéj kijtowa, iga «yej kichi̱wa yej Dios kineki yawi onoti iga nochipa» (1 Juan 2: 17).
Dios kineki matinemikan ken yéj te̱nextiliá.
Biblia kine̱xtiá iga yej te̱chij «yawi te̱nextili̱ti iojtimej» iga matinemikan pan «iní̱n ojwimej» (Isaías 2:2, 3). Nemi kinechkowa «se̱ a̱ltepe̱ʼ yej makiwi̱ga ito̱ka̱» iga pan nochi Ta̱jli makimatikan te̱ kineki Dios (Hechos 15:14).
Dios kineki iga sekan matikweychi̱wakan.
Religión yej melá̱ kine̱xtiá iga matimosennekikan wan iní̱n kichi̱wa iga matonokan sekan wan ayá̱ matimoijiyakan (Juan 13:35). ¿A̱ʼ yéj nemi kimachtiáj tajta̱gamej wan siwa̱tkej de nochi a̱ltepe̱mej iga masentekipano̱kan iga Dios? Nimitsijliáj iga xikte̱mo tajto̱lkuepalis pan iní̱n a̱matajkuilo̱l.