Ssé né nkouŋo ngié pégé la’a nzôgô ntsuié tsèe mbʉlé pô lékag tsaa paladisé ndoum tsétsa’.

Ngouô o kouang ngié: «Ta a koua’ ngouô no?» Biible gôôn ngié a gé gʉo wô pou’ou, nzuiè’ Léfouô Ssé. Ssé ping né nkouŋo ngié pʉa mésong ntsém zsé lékoung wé, mboo mmo yié mé gôôn Léfouô Ssé ngôôn yèe.—Zôbô ntsé 37:11, 29; Ésaya 9:7.

Ssé né nkouŋo ngié pégé jou’ mboŋo.

Ndésém pa’ ta’ ta tsôôn ngié goubé yé jou’ mboŋo la, ta wégé wuié aa tʉo lépwo, pouou né nkouŋo ngié pégé la’a ntsuié pô tsèe lékag. (Ésaya 48:17, 18) A la pʉé ngié: «Gning wuié a gʉo mmo yié Ssé né nkouŋo, a gé wô pô wo fʉ’ ntsém.»—1 Jang 2:17.

Ssé né nkouŋo ngié pégé yiŋé na pamanzsé pé.

Biible gôôn ngié, Mbouoon wégé kouŋo lé zi’i wégé mémbʉʉ mé, pa’ pégé gé «yiŋé na pamanzsé pé.» (Ésaya 2:2, 3) A tangtée «tsô nouô pʉa pié pô gé kaa lézing sé,» a tchʉa pou’ou, mé zsé lékoung wé tsèe ngoung ntsém.—Mégang ntoum 15:14.

Ssé né nkouŋo ngié pégé lôgô ta’ ntchwo ngou’té yé.

Agou’té yé Jéova aa té lôô’. A té fagté pʉa wô, ta ntchʉ’ pou’ou, a témté wôb témté tsèe nkouŋé yié ée nénʉ. (Jang 13:35) Aa liè’ôôn, pawôô zi’i mbaŋa laa panzuiée ndoumo ssé tsétsa’ ntsém, pa’ ngouô pô gou’té Ssé tsaa ntémté? Pég né nkuingté wou ngié o zi’i yôôn brochuu ndôg njou’ mbʉèe.