Ruhanga naayenda ngu tutuure omu nsi ebiro byona twine obusingye n’okushemererwa!

Kwonka noobaasa kwebuuza oti: ‘Ekyo nikiija kubaasika kita?’ Baibuli neegira ngu Obukama bwa Ruhanga nibwija kukihikiiriza, kandi Ruhanga naayenda ngu abantu boona beegye ebirikukwata aha Bukama obwo n’aha kigyendererwa kye ahabw’abantu.—Zaaburi 37:11, 29; Isaaya 9:7.

Ruhanga naatwendeza ebirungi.

Nk’oku ishe abaana omurungi arikuba naabendeza ebirungi, na Tataitwe ow’omu iguru naayenda ngu tushemererwe ebiro byona. (Isaaya 48:17, 18) Naagira ngu weena “okora ebi Ruhanga akunda, agumaho ebiro byona.”—1 Yohaana 2:17.

Ruhanga naayenda ngu tugyendere omu mihanda ye.

Baibuli neegira ngu Omuhangi waitu naayenda ‘atwegyese emihanda ye, naitwe tubone kugigyenderamu.’ (Isaaya 2:2, 3) Atebeekaniise abantu abarikwetererwa eiziina rye kumanyisa abandi omu nsi yoona ekigyendererwa kye.—Ebyakozirwe 15:14.

Ruhanga naayenda ngu tube omu kuramya kumwe.

Abari omu kuramya okw’amazima tibarikuramya Yehova beebaganiisemu, beitu ahabwa rukundo eya buzima nibamuramiza omu bumwe. (Yohaana 13:35) Omu nsi yoona, ni baahi abarikwegyesa abantu oku baine kuheereza Ruhanga omu bumwe? Nitukushaba kushoma akatabo aka kubaasa kubamanya.