Gott vill havva es miah haebbi sinn un layva in peace fa’immah uf en paradise eaht!

Avvah, du mechsht vunra, ‘Vi kend sell selayva sei?’ Di Bivvel sawkt es Gott Sei Reich zayld sell possible macha, un Gott vill havva es alli-ebbah land veyyich sell Reich un vass sei villa is fa uns.​—Psalm 37:11, 29; Jesoiya 9:7.

Gott vill vass’s besht is fa uns.

Yusht vi en goodah daett es’s besht vill fa sei kinnah, unsah Faddah im himmel vill havva es miah haebbi sinn fa’immah. (Jesoiya 48:17, 18) Eah hott fashprocha es “deah vo Gott sei villa dutt zayld layva fa’immah.”​—1 Johannes 2:17.

Gott vill havva es miah in sei vayya lawfa.

Di Bivvel sawkt es Gott vill “uns sei vayya lanna, so es miah in sei pawda lawfa kenna.” (Jesoiya 2:2, 3) Eah hott leit organized fa sei nohma, so es alli-ebbah uf di eaht vissa kann vass sei villa is.​—Apostelgeschichte 15:14.

Gott vill havva es miah united sinn in een deena.

Da recht vayk fa Jehova deena bringd leit zammah in leevi, nett si diveiyda. (Johannes 13:35) Heit, veah is am leit teetsha gans ivvah di veld vi fa united sei in Gott deena? Yoos deah brochure fa ausfinna.