Waut es Gott sien Wellen?
Gott well, daut wie fa emma schaftich un en Fräd oppe Ieed em Paradies läwen kjennen
Kaun soont äwahaupt mäajlich sennen? De Schreft sajcht, daut Gott sien Kjennichrikj daut bat doa brinjen woat. Gott well, daut jieda eena äwa dit Kjennichrikj lieet un uk doaräwa, waut hee sikj fa de Menschen väajenomen haft (Psalm 37:11, 29; Jesaja 9:6).
Gott well, daut ons daut scheen jeit
Krakjt soo aus een leeftolja Voda fa siene Kjinja daut baste well, soo well ons himlischa Voda uk, daut ons daut fa emma scheen jeit (Jesaja 48:17-18). Hee haft vesproaken: “Wäa . . . [doa] deit waut Gott well, woat eewich bliewen” (1. Johanes 2:17).
Gott well, daut wie opp sienen Wajch gonen
De Schreft sajcht, ons Schepfa well “ons belieren, daut wie soo haundlen un soo läwen [kjennen] . . ., aus hee daut haben well” (Jesaja 2:2-3). Hee haft “een Volkj fa sienen Nomen” oppjestalt, daut dee sienen Wellen oppe gaunze Ieed bekauntmoaken (Aposteljeschicht 15:14).
Gott well, daut siene Deena veeent sent
De woara Gloowen brinjt de Menschen nich uteneen; dee brinjt dee en de woare Leew toop (Johanes 13:35). Wäa lieet de Menschen vondoag dän Dach oppe gaunze Welt, Gott en Eenichkjeit to deenen? Daut kaust du die en dit Heft unjastonen.
Veleicht jleichst du uk dit
MEA ÄWA ONS
Woo schauft een Bibelstudium met Jehova siene Zeijen?
Oppe gaunze Welt sent Jehova siene Zeijen doafäa bekaunt, daut dee met Menschen emsonst de Bibel studieren. See mol, woo daut schauft.
MEA ÄWA ONS
Wuarom loont sikj daut, de Bibel studieren?
De Bibel haft aul millionende Menschen jeholpen. Dee kaun die uk halpen!
