Mulungu achada kuti timbakhale mwantendere na mwakukondwa m’paradaiso padziko yapasi kosapera!

Panango mungadzibvunze kuti, ‘ko vimwevi vidzakwanisike tani?’ Baibolo ichanena kuti Ufumu wa Mulungu ndiwo udzachite vimwevi, ndipo Mulungu achada kuti aliyese adziwe va Ufumu moyu na vomwe iye achada kukwanirisa. ​—⁠Salimo 37:​11, 29; Yesaya 9: 7.

Mulungu achada kuti vinthu vimbatifambire bwino.

Mwakulingana na baba yemwe achasamalira wana wake, Ababa wathu wakudzulu achada kuti vinthu vimbatifambire bwino manjewuno mpakana kale-kale. (Yesaya 48:​17, 18) Iye adapolomisa kuti ‘yemwe achachita vomwe Mulungu achada adzakhale kosapera.’ —1 Yohane 2:17.

Mulungu achada kuti timbatewedze malamulo yake.

Baibolo ichanena kuti Mlengi wathu achada ‘kutipfunzisa njira zake’ kuti tikwanise ‘kutewedza malamulo yake.’ (Yesaya 2: 2, 3) Iye adakonza ‘gulu kuti imbadziwike na dzina yake’ nakuti alalikire va dzina yake ­padziko yose. ​—Machitidwe 15: 14.

Mulungu achada kuti timbamupempherere mwakubverana.

M’malo mogawanisa wanthu, kupemphera chaiko kwa Yahova kuchabveranisa wanthu muchikondi chayicho. (Yohane 13: 35) Ko ni mbani yemwe achapfunzisa wanthu padziko yose momwe angapempherere Mulungu mobverana? Tinkukukumbirani kugumana mdawiro mu ­bulosha ino.