Dios munanmi tucui runauna cai Allpai huiñaigama cushilla causanuchu.

Shinajpiga, can ninguichari: “¿Cai ciertochu anga?”. Biblia nin: Diospa Mandana chita cungami. Yaya Dios munanmi pai Mandanamanda, pai munaimandas tucui runauna yachanuchu (Mateo 6:9, 10; Lucas 1:32, 33).

Dios munanmi ali causanara charinuchu.

Shu ali yaya cuinta Yaya Dios munanmi ñucanchi huiñai huiñaigama ali causangahua (Santiago 1:17). Pai ninmi: “Maicans Dios munashcara rasha, huiñaigama causangami” (1 Juan 2:17).

Dios munanmi pai nishcaunara pactachinuchu.

Biblia nin: Yaya Dios munanmi “ali causanara yachachingaj” nisha (2 Timoteo 3:16). Paiga, “runaunara ajllasha” tandachishcami intiru mundui paihua munaira ricsichinuchu nisha (Rashcauna [Hechos] 15:14).

Dios munanmi paita tucui parijulla adorangaj.

Ali religionga, runaunara piñanuna randimanda, yanapanusha causangaj tandachin (Juan 13:35). ¿Pigunara yachachirianun tucui llactaunai Yaya Diosta parijulla adorangaj? Cai quillcashcara ricusha alira intindinguimi.