Paraíso Alpapi na huañushpa cushilla causachunmi munan.

Chaica ¿pactaringacha nishpa yuyapashcanguichu? Diospa Reino chaita pactachinatami Bibliapica yachachin. Chaimandami Diosca munan paipa Reino imata ruranata gulpi gentecuna yachachun (Isaías 9:⁠7; Mateo 5:5).

Aliguta causachunmi munan.

Shuj ali taita paipa huahuacuna aliguta causachun mu­nansh­nami Diospash gentecuna na huañushpa cushilla, ­aliguta causachun munan (Isaías 48:​17, 18). Diosca ninmi, paipa ‘munaita rurajcunaca causaitami causanajunga’ nishpa (1 Juan 2:17).

Paimanda yachajuchunmi munan.

Bibliapica ninmi, Dios munashcashna gentecuna causachun yachachishpami, ‘paipa ali ñangunata catichun’ ayudan nishpa (Isaías 2:​2, 3). Dios imata ruranata gulpi gentecuna yachachunmi, paipa shutipi shuj llactata agllashca (Hechos 15:​14, NM ).

Paitalla adorachunmi munan.

Ali religionga gentecuna juyarishpa causachunmi ayudan (Juan 13:35). Tandanajushpa Diosta sirvinajuchunga ¿picunata tucui llactacunapi gentecunaman yachachinajun? Cai folletopimi chai tapuimandaca yachajupangui.