So o Del kamel?
O Del kamel, kaj te dživas večňe andro šukar svetos bije dar the o pharipen!
Šaj el ada čačo? E Biblija phenel, hoj le Devleskero kraľišagos ada džanel te kerel. O Del kamel, kaj savore pes te dodžanen pal ada kraľišagos a pal oda, so prekal amende o Del kerela. (Žalm 37:11, 29; Izaiáš 9:7)
O Del kamel, kaj amenge te el mište.
Avka, sar lačho dad kamel e bacht prekal peskere čhave, amaro ňebesko dad kamel, kaj te dživas bachtales a ňigda te na meras. (Izaiáš 48:17, 18) Sľubinďa: Oda, ko kerel, [so o Del kamel], ačhel pro furt. (1. Jan 2:17 NZ)
O Del kamel, kaj te dživas pal leskere zasadi.
O Stvoriťeľis amen sikavel, savo hino a sar te doľikerel oda, so amenge phenel. (Izaiáš 2:2, 3) O Del kidňa avri le manušen prekal peskero menos, kaj te zvestinen pal calo svetos o čačipen pal leste. (Skutky 15:14)
O Del kamel, kaj leske te služinas jekha goďaha.
Pravo laska ľikerel le Jehovaskero ľudos jekhetane. (Ján 13:35) Ko adaďives pal calo svetos sikavel le romen the le romňen, sar te služinel le Devleske jekha goďaha? Genen kadi brožura a dodžanena tumen ada!
Dikh the pre ada
PAL AMENDE
Sar pes študinel e Biblija?
Pal calo svetos o manuša džanen, hoj le Jehovaskere svedki sikaven andal e Biblija. Probaľin ada študijum.
PAL AMENDE
Soske te študinel e Biblija?
Milijoni manuša pal calo svetos sikhľon andal e Biblija a dodžanen pes latar but lačhe veci pal o dživipen. Kamľanas len te džanel the tumen?
