Koja tani e Devleskiri volja?
O Devel mangela te ova bahtale hem te dživdina zasekogaš ko raj ki Phuv!
Šaj pučea tu: ,Sar šaj adava te ovel?‘ I Biblija vakerela kaj e Devleskoro Carstvo šaj te kerel adava, hem e Devleskiri volja tani sa o manuša te sikljon bašo adava Carstvo hem te džanen koja tani leskiri namera amencar (Psalm 37:11, 29; Isaija 9:7).
O Devel mangela amenge o najšukar.
Sar jekh šukar dad so mangela ple čhavenge o najšukar, agjaar amaro Dad o Jehova mangela amen te ova bahtale zasekogaš (Isaija 48:17, 18). Ov vetingja kaj okola so ka ,keren leskiri volja ka dživdinen zasekogaš‘ (1. Jovanovo 2:17).
O Devel mangela te dža palo leskoro drumo.
I Biblija vakerela kaj o Jehova mangela te ,sikavel amen bašo leskoro drumo‘ te šaj te dža palo leste (Isaija 2:2, 3). Ov khedingja ,narodo bašo plo anav‘ te šaj te vakeren leskiri volja ki celo Phuv (Dela 15:14).
O Devel mangela složno te služina leske.
Okola so služinena e Jehovaske tane složna hem iskreno mangena pe (Jovan 13:35). Koj avdive ki celo Phuv sikavela e manušen te služinen složno e Devleske? Akaja brošura ka pomožinel tu te džane.
Šaj isto ka interesinel tut
AMENGE
Sar šaj te sikljove tari Biblija?
Ko celo sumnal, e Jehovaskere svedokija mangena te pomožinen e manušen te sikljoven tari Biblija bizo love. Dikh sar kerena adava.
AMENGE
Soske te sikljove tari Biblija?
I Biblija pomožinela bute manušenge ko celo sumnal te arakhen odgovorija bašo najvažna pučiba. Mangea li tuke da te pomožinel?
