Inogne ty Zoton’arofon’Andrianagnahare?
Tea’e hieragneragne naho ho falefale tikagne naho fa paradisa ty tane toy.
Va’e hieretseretse rehe tie ‘akore ty hampisy o hasambaragne zao?’ Mirehake ty Baiboly fa i Fanjakàn’Andrianagnaharey ro hanao izay. Tean’Andrianagnahare hianatse ze zoton’arofo’e naho ty miomba o Fanjakagne iohoeke tikagne.—Salamo 37:11, 29; Isaia 9:7.
Tea’e ho sambatse tikagne.
Magniry raha soa hoahy ty ana’e ty rae soa fagnahy. Manao ze hahasambatse antikagne nainai’e ka i Raentikagne an-dagnitse agney. (Isaia 48:17, 18) Mampitamà reke fa ‘ho velogne nainai’e ze manao ze zoton’arofo’e.’—1 Jaona 2:17.
Tea’e hagnorike ty fagnanara’e tikagne.
Mirehake ty Baiboly fa te ‘hagnanatse antikagne ty lala’e’ ty Andrianamboatse, amy izay tikagne ‘mandeha amy ze anoroa’e’ antikagne. (Isaia 2:2, 3) Namory ndaty maro ‘hinday ty tahina’e’ reke hampahafantatse ze zoton’arofo’e amy ty tane toy iaby.—Asan’ny Apostoly 15:14.
Tea’e hanompo aze tikagne.
Tsy mivibìke naho mifampikoko ze ndaty manompo i Jehovah. (Jaona 13:35) Ia ty fivavahagne amy izao magnanatse o ndatio hifampikoko? Ho trea’o amy ty bokekele toy atoagne ty vale izay.