Ia ora tatou e a muri noa ˈtu ma te hau e te oaoa i roto i te paradaiso i te fenua.

E na ô râ paha oe: ‘E nafea te reira e tupu ai?’ Maoti ïa te Faatereraa arii a te Atua ia au i te Bibilia. Te hinaaro ra te Atua ia ite te taata no nia i tera Faatereraa arii e ta ˈna opuaraa no tatou.—Salamo 37:11, 29; Isaia 9:7.

Ia maitai tatou.

E hinaaro iho â te hoê metua tane ia maitai ta ˈna mau tamarii. Oia atoa to tatou Metua i te raˈi, ia oaoa tatou e a muri noa ˈtu. (Isaia 48:17, 18) Ua fafau te Atua e “te taata e rave i te hinaaro o te Atua, e vai noa mai ïa e a muri noa ˈtu.”—Ioane 1, 2:17.

Ia haere tatou na to ˈna mau eˈa.

Te faataa ra te Bibilia i te hinaaro o to tatou Atua poiete. “E haapii mai i ta ˈna haapaoraa” ia “haere tatou na te eˈa ta ˈna e faaite maira.” (Isaia 2:2, 3) Ua faanaho oia i “te hoê nunaa no te amo i to ˈna iˈoa” o te faaite i to ˈna hinaaro e ati aˈe te fenua.—Ohipa 15:14.

Ia hoê tatou no te haamori ia ˈna.

E tahoê te haamoriraa viivii ore a Iehova i te taata i roto i te here mau. (Ioane 13:35) O vai ma i teie mahana e haapii nei i te mau tane e vahine i te ao nei ia tavini i te Atua ma te tahoê? Na teie buka rairai e pahono mai.