Бурган бисти черге дываажаңга мөңге чурттазын деп күзеп турар!

«Ол канчап болдунарыл?» — деп, айтырар боор силер. Бурган ону бодунуң Чагыргазын таварыштыр кылыптар деп Библияда чугаалаан. Ынчангаш шупту кижилер ол Чагырганың болгаш ооң йөрээлдериниң дугайында билип алырын Бурган күзеп турар (Ырлар 36:11, 29; Исайя 9:7).

Бурган бисти аас-кежиктиг болзун деп күзеп турар.

Бодунуң ажы-төлүнге чүгле экини күзээр буянныг ада дег, бистиң дээрде Адавыс бисти түр када эвес, а кезээ мөңгеде аас-кежиктиг болзун деп күзеп турар (Исайя 48:17, 18). «Бурганның күзел-соруун күүседип чоруур кижи мөңге амыдыраар» — деп, Ол аазап турар (1 Иоанн 2:17).

Бурган бисти Ооң оруу-биле чорзун деп күзеп турар.

Бистиң Чаяакчывыс «бисти Бодунуң оруктары-биле чоруурун өөредип каар, бис Ону эдерер бис» деп Библияда бижип каан (Исайя 2:2, 3). Бүдүн делегейде улустар Ооң күзел-соруун билип алзын дээш, Бурган «Бодунуң адын хүндүлээр... улусту шилип алган» (Ажыл-чорудулга 15:14).

Бурган бисти Аңаа демниг бараалгаар кылдыр күзеп турар.

Бо аңгылажыышкынныг делегейде Иегованың бараалгакчыларын ёзулуг ынакшыл каттыштырып турары — кайгамчык чүүл-дүр (Иоанн 13:35). Бурганга чаңгыс аай, демниг бараалгаарын бөгүн кым өөредип турарыл? Харыызын билип алырынга бо дептер силерге дузалаар.