¿Kʼusi tskʼan yoʼonton li Diose?
Li Diose tskʼan ti xijmuyubaj xchiʼuk ti junuk koʼontontik xijkuxi sbatel osil ta jun paraiso liʼ ta balumile.
Pe xuʼ van xi chanope: «¿Kʼuxi xa noʼox ti jech chkʼot ta pasele?». Li Vivliae chal ti jaʼ tspas li Ajvalilal yuʼun Diose. Li Jpasvaneje oy ta yoʼonton ti skotoluk krixchanoetik xojtikinik li Ajvalilal taje xchiʼuk li kʼusi tskʼan tspas sventa li krixchanoetike (Salmo 37:11, 29; Isaias 9:7).
Li Diose tskʼan ti lekukutike.
Jech kʼuchaʼal jun totil ti tskʼan lek chbat xkuxlejal li xnichʼone, li Jtotik ta vinajele oy ta yoʼonton ti xijmuyubaj noʼox sbatel osile (Isaias 48:17, 18). Yuʼun jamal chal ti «te chkom-o sbatel osil li buchʼu tspas kʼusi tskʼan yoʼonton Diose» (1 Juan 2:17).
Li Diose tskʼan ti xijxanavutik ta sbee.
Li Vivliae chal ti Jpasvaneje tskʼan ‹ta xchanubtasutik ta sventa li beetik yuʼun› sventa ‹te xijxanave› (Isaias 2:2, 3). Xchapanoj ‹jun jteklum ta sventa sbi› sventa chakʼ ta ojtikinel ta spʼejel balumil li kʼusi oy ta yoʼontone (Echos 15:14).
Li Diose tskʼan ti jmoj tsobol xkichʼtik ta mukʼe.
Li melel relijione muʼyuk bu chchʼak li krixchanoetike, yuʼun tstsob sba yuʼun ta skoj ti tskʼan sbaik ta melele (Juan 13:35). ¿Buchʼutik yakalik ta xchanubtasel viniketik xchiʼuk antsetik ta epal lumetik sventa jmoj xichʼik ta mukʼ li Diose? Chkalbotkutik ti xasabe stakʼobiltak li ta foyeto liʼe.
Xuʼ van chakʼupin skʼelel xtok liʼe
JKʼOPLALKUTIK
¿Kʼu yelan chichʼ akʼel li chanubtasel ta Vivliae?
Jaʼ ojtikinbilik-o ta spʼejel Balumil li stestigotak Jeova ti chakʼik chanubtasel ta Vivlia ta motone. Kʼelavil kʼu yelan chchanubtasvanik.
JKʼOPLALKUTIK
¿Kʼu yuʼun skʼan jchantik li Vivliae? (video ti mas nate)
Li Vivliae ta smiyonal noʼox krixchanoetik skoltaoj sventa stabeik stakʼobil li kʼusitik mas tsots skʼoplal tsjakʼbe sbaike. ¿Mi chakʼan chata li koltael taj eke?
