Инмарлэн потэ, ми музъем вылын райын пырак мед уломы шуыса!

«Озьы луоз шат?» — тӥ юалоды. Библиын верамын, Инмар аслаз Эксэйлыкез пыр сое быдэстоз шуыса. Но Инмарлэн эрикез — вань адямиос мед тодозы со Эксэйлык сярысь но солэн бакель каронъёсыз сярысь (Псалтирь 36:11, 29; Исаия 9:7).

Инмарлэн потэ, ми шудоесь мед луомы шуыса.

Кызьы яратӥсь атайлэн потэ нылпиосызлы ваньзэ умойзэ гинэ сётэмез, озьы ик инмысь Атаймылэн но потэ, ми пырак дауръёс ӵоже шудоесь мед луомы шуыса (Исаия 48:17, 18). Со кылзэ сётэ, «Инмарлэсь эриксэ быдэсъясь пумтэм вапумъёс» улоз шуыса (1 Иоанн 2:17).

Инмарлэн потэ, ми солэн сюрестӥз мед мыномы шуыса.

Библиын верамын, милям Кылдытӥсьмы аслаз сюресъёсызлы асьмеды дышетоз шуыса, «соку асьмеос Солэн сюрестӥз ветломы» (Исаия 2:2, 3). Со «Аслэсьтыз нимзэ нуллӥсь калык» кылдытӥз, быдэс дунне вылысь адямиос солэсь эриксэ мед тодозы шуыса (Апостолъёслэн ужъёссы 15:14).

Инмарлэн потэ, ми солы огкылысь мед ужаломы-тыршомы шуыса.

Иеговалэн ужась-тыршисьёсыз зэмос яратонэн огазеямын, мар паймымон луэ та люкиськем дуннеын (Иоанн 13:35). Кин туннэ дышетэ адямиосты Инмарлы огкылысь ужаны-тыршыны? Та брошюра юрттоз тӥледлы со юанлы валэктон шедьтыны.