Tiany Zan̈ahary Han̈ano Karakory ma Olombelon̈o?
Tiany Zan̈ahary atsika hiadan̈a ndreky ho sambatra fo ambony tany eto!
Anao mety hivolan̈a karaha ty: ‘Marin̈y edy zen̈y va?’ Ia, fotony Baiboly mivolan̈a fa Fanjakan̈any Zan̈ahary han̈ano zen̈y. Tiany Zan̈ahary koa olo jiaby hianatra raha momba izy ndreky raha tiany hatao io.—Salamo 37:11, 29; Isaia 9:7.
Tiany Zan̈ahary atsika ho sambatra.
Zan̈ahary niasa atsika mira baba araiky tia zanaka in̈y. Tiany atsika ho ravoravo fo ambony tany eto. (Isaia 48:17, 18) Izy efa nan̈ambara fa olo ‘man̈ano sitrapony Zan̈ahary fo ho tavela eto.’—1 Jaona 2:17.
Tiany Zan̈ahary atsika han̈araka volan̈anany.
Tiany Zan̈ahary atsika hianatra Baiboly ndreky han̈araka raha koran̈iny. (Isaia 2:2, 3) Jehovah nifidy olo hisolo ten̈a izy, han̈ambara aminolo jiaby raha tiany hatao.—Asan’ny Apostoly 15:14.
Tiany Zan̈ahary atsika hitambatra hanompo izy.
Fivavahan̈a marin̈y tsy mampisaratsaraka olo, fa ten̈a mampitambatra olo. (Jaona 13:35) Azovy ma mampianatra olo hitambatra hanompo Zan̈ahary? Amy boky ty ahaizanao valinizen̈y.
Mety ho Tianao Koa
RAHA MOMBA ZAHAY
Karakory ma Fianaran̈a Baiboly Zen̈y?
Zahay Vavolombelon̈o Jehovah mikaiky olo hianatra Baiboly. Hahita hatsaran̈a anao koa mianatra izio. Tsy man̈efa koa mianatra izio. Ho hitanao ato karakory atao mianatra Baiboly zen̈y.
RAHA MOMBA ZAHAY
Nan̈ino ma Anao Tokony Hianatra Baiboly?—Video Lava
Baiboly man̈amia valiny fan̈otanian̈a manahiran̈a sain̈inolo maro erantany. Asa tianao koa hahazo valiny fan̈ontanian̈anao?
