Mbi bio luzolo lu Nzambi?
Nzambi katidi tuzinga mu yenge ayi mu kiese ku paladiso va ntoto mvimbamvimba!
Vayi, wulenda kukiyuvula ti: ‘Bue mela salimina e?’ Bibila tubidi ti Kimfumu ki Nzambi kiela vanga mawu, ayi Nzambi katidi ti batu boso bazaba Kimfumu beni ayi mambu momo kiela kutuvangila.—Nkunga 37:11, 29; Yesaya 9:7.
Nzambi katidi tuba mu luzingu lu mbote.
Bobuawu kuandi disa di luzolo keta tila ti muan’andi kaba mbote, Disa dieto ku diyilu phe katidi tuba mu kiese mvimbamvimba. (Yesaya 48:17, 18) Wuvana tsila ti: “Woso mutu wunvanganga luzolo lu Nzambi widi moyo mu zithangu zioso.”—1 Yoane 2:17.
Nzambi katidi tudiatila mu zinzila ziandi.
Bibila kembi ti Mvangi eto weta zola kutulonga zinzila ziandi muingi tudiatila mu ziawu. (Yesaya 2:2, 3) Mekubika ‘kimvuka kimosi ki batu mu diambu di dizina diandi’ muingi batubila luzolo luandi mu tsi yimvimba.—Mavanga 15:14.
Nzambi katidi tunsambila mu lubundanu.
Tsambudulu yi vedila yi Yehova yivasanga batu ko; vayi yeta kubabundisa mu luzolo lu kiedika. (Yoane 13:35) Lumbu kiaki, banani balembo longi batu mu bibuangu bioso phila yi sadila Nzambi mu lubundanu e? Tulombidi wubaka mvutu mu mua nkanda fiafi.