Po jye Mkwithè Jéova deng ge ke? Mouʼtchwe she pô ne pye tchwe beng we po, be faʼ pou a wô, ke be kho sekou pou a wô le. Ke ba pô be wap tcheng ne ghôm nwe ne Bible pou a wô le. Pye be kwaʼ pe we? Nweke pye pe gôm nwe ne potse tsye pye bing a bi bawele?

Pye be paʼ goung pômneng awè a. Pye fe ne tchitchi mtsuʼ, be bawele ghe tchi paʼ é ne kwye a. She pô ne pye le dendze be kho she mtchôsi, she pe be wap ka né jye be ge Si be we. Daʼge wôk awè be pye le tam ne tchente dagne potse tsye Bible jiʼte a. (Mfaʼ 17:11) Ywe ye pye dagne a tchente boung wôk te pye ping ya. A pe poʼo bawele ne pye le khète ne ghamte Jéova Si.

Potse tsye pye dagne tchum Bible a tchente kwite wôk. Paʼ bawele a, a be pye ghe môk mnwe mye a ŋwak ne pye a, pye le neng be gre potse pe pepoung. Daʼge paʼ pye thela goung mtyèʼ awè ne ying ne ywe ye Bible gôm a, pye djô paʼ yôk tchi ne tchwe tchente kwyepgne ji pepoung a. (Psaume 128:1, 2) Ya né gre te pye pe gôm nwe ne potse pepoung mye a be pye lagne tchum Bible a.

M ma pepoung mye pye gre a fe m bi Si. M ma pepoung bô mye Bible dagne wôk a, kwite wôk ne pe pepoung, ne pe ha mkouʼ pyeshe pô, pye le pe gre mfum, neng be pô pepoung. A gre ge pye pe koung faʼ, be de thamte tchwe tchum mtoundye môk, neng gre tchi ne tchwe pepoung. Paʼ a be pye tchente jye ge “Si te kyak mo” a pe, pye tchwe paʼ pô taʼ toundye, pe te lé goung, tsuʼ ye pye them m ne a, ke ba mgwôp mne môk le, potse tsye pye bing a thamte wôk. Pye be pô paʼ goung pômneng awè a, daʼge be thamte be paʼ taʼ temlaʼ be pou ka fing ne yô tchi bô ne tsuʼ a.​—Mfaʼ 4:13; 10:34, 35.

• Pe Mkwithè Jéova de ke hwegne pou a goung pô awè?

• Ma tchi m ma pe Mkwithè Jéova be wap lagne tchum Bible?