I bɛ Jehova Seerew joli dɔn? Laala a dɔw bɛ sɔrɔ i sigiɲɔgɔnw ye, i baarakɛ ɲɔgɔnw walima i ka lakɔliden ɲɔgɔnw ye. Walima a dɔ delila ka baro kɛ n’i ye Bibulu kan. An ye jɔni de ye tigitigi, ani mun na an b’an ka dannayakow fɔ mɔgɔw bɛɛ ye?

An ni mɔgɔ tɔw bɛɛ ye kelen ye. An bɔ yɔrɔw ni an ka ladala kow tɛ kelen ye. An cɛ la dɔw tun bɛ diinɛ wɛrɛ kɔnɔ, dɔw yɛrɛ tun dalen tɛ Ala la. Nka an bɛɛ, sanni an ka kɛ Jehova Seerew ye, an ye waati ta walasa ka Bibulu kɔnɔ kumaw sɛgɛsɛgɛ koɲuman. (Kɛwalew 17:11) An ye min kalan an dara o la, an sɔrɔ la k’a bɔ an yɛrɛ la ka Jehova Ala bato.

An ka Bibulu kalan bɛ nafa lase an ma. I n’a fɔ mɔgɔ tɔw, gɛlɛyaw bɛ an kan ani fiɲɛw bɛ an na. Nka an kɛtɔ ka an jija ka Bibulu ka sariyakolow waleya don o don, an ye a jateminɛ k’an ka ɲɛnamaya kɛcogo bɛ fisaya kosɛbɛ. (Zaburu 128:1, 2) O de kama, an ye fɛn ɲuman minnu sɔrɔ ka bɔ Bibulu kɔnɔ, an bɛ kuma o kan mɔgɔ wɛrɛw ye.

An ka jogo ɲumanw bɛ bɔ Ala yɔrɔ. O jogo ɲuman minnu bɛ sɔrɔ Bibulu kɔnɔ, o bɛ an ka ɲɛnamaya ɲa, o b’a to an bɛ mɔgɔ tɔw bonya, o bɛ jogow kɛ an na i n’a fɔ laadiriya ani mɔgɔ ɲumanya. O b’an kɛ fasoden baarakɛlaw ye minnu ka kow bɛrɛbɛnnen don, a bɛ dusudon an kɔnɔ an ka kɛ denbaya kelen ye ani jogo ɲuman tigiw ye. An dalen b’a la ko “Ala tɛ mɔgɔ bɔ mɔgɔ la”, an bɛ ɲɔgɔn minɛ i n’a fɔ denbaya kelen diɲɛ bɛɛ kɔnɔ, siya woloma walima politiki bɛna ni farafarali min ye, o tɛ an cɛ ma, wa an ka dannaya kow de bɛ an kɛ kelen ye. An ni mɔgɔ tɔw bɛɛ ye kelen ye, nka, an bɛɛ faralen ɲɔgɔn kan, an ye jamakulu ye min ɲɔgɔn tɛ yen.—Kɛwalew 4:13; 10:34, 35.

• Sira jumɛnw fɛ Jehova Seerew ni mɔgɔ tɔw bɛɛ ye kelen ye?

• Jehova Seerew ye jogo jumɛnw dege ka bɔ Bibulu kɔnɔ?