Tiene ba tu conoce maga Testigo de Jehova? Posiblé el cuanto kanamon ubán de tuyu na trabajo, vicinos o classmate. O baká ya puede ya kame contigo converza acerca na Biblia. Quien ba gayot kame y porque ta predica kame con otro acerca si cosa kame ta creé?

Ordinario gente lang kame. Estaba kame na diferente clase y estado de vida. El cuanto kanamon de antes otro el religión mientras el otro gendeh ta creé con Dios. Antes de queda un Testigo, todo kame ya estudia enbuenamente si cosa el Biblia ta enseña. (Maga Actividad 17:11) Convincido kame na cosa kame ya aprende y ya decidi que adora con Dios Jehova.

Ta beneficia kame na estudiada de Biblia. Igual con otro, ta enfrenta tambien kame maga problema y ta puede man kamali. Pero cay ta pricura kame aplica el maga principio na Biblia, tiene progreso el diamon vida. (Salmo 128:1, 2) Uno se del maga razon si porque ta converza kame con otro acerca el maga buen cosas que ya aprende kame na Biblia.

Ta vivi kame asegun na maga principio del Dios. Este maga principio que talli na Biblia puede ayudá con todo queda alegre, respetoso, honesto y queda un buen gente. Ayudá este con el maga gente queda un responsable ciudadano, hace unido con el familia y tiene buen moralidad. Ciendo sabe kame cay el “Dios igual lang ta trata con todo,” para kanamon un grande familia kame na entero mundo que nuay división na raza y politica. Maskin ordinario lang kame, pero kame lang solamente el unido por causa na cosa kame ta creé.—Maga Trabajo 4:13; 10:34, 35, El Nuevo Testamento.

• Na cosa maga manera igual el maga Testigo de Jehova na otro maga gente?

• Cosa maga principio el ya puede sila aprende na Biblia?