Munoziva Zvapupu zva Jehovha zvingana? Vamweni vedu tingava zvigarisano zvenyu, vadoni vo kubasa kana vo ku cikora. Kangaije takambobhuisana nemwi ngo pa musoro po Bhaibheri. Zvokadi-kadi itusu ndisu ani zve ngenyi tinokovana no vamweni pambhene ngo pamusoro po zvotinotenda?

Itusu tiri vandhu vakarongeka. Itusu tinovha mu ndau jakasiana-siana zve mu magariro akasiana-siana. Vamweni vedu vainga mu zviara zvakasiana-siana, kuveni vamweni avacaitendepi kuti Mwari ariyo. Ticito tava Zvapupu, itusu tese takapeja nguva tecipsakisisa jijiso jo Bhaibheri. (Maitiro o Vapostori 17:11) Itusu takadavira zvatakajijiswa perapo tojikhetera kunamata Jehovha Mwari.

Tinobesereka ngo kujija Bhaibheri. Kufanana no vandhu vese, itusu tinohwisana no zvineso zve no cishaishi. Asi ngo kueja kushandisa ndhungamiro jo Bhaibheri mu upenyu hwedu hwo njiku no njiku, itusu tavona kubudirira mu magariro o mu upenyu hwedu. (Nduyo 128:1, 2) Ici ngo ciro cimwe cinotiitisa kuti tikovane no vamweni zviro zvakanaka zvatakajija kubva mu Bhaibheri.

Itusu tinorarama mukuzwirana no mutemo jo umwari. Mutemo iji, kudari ngo zvajinojijiswa mu Bhaibheri, jinokhwijirija kugara zvakanaka no kureremeja vamweni, zvinobatanijavo mugariro inga kugondeka zve no kunaka mwoyo. Ndhungamirojo jinobesera kuva no uhomi hwa ushoni zve ndhengo jo cizwirano co vandhu vanoita zvaushoni zve jinokohomeja kubatana ko mbhuri pomwe no mufambiro wakanaka. Tinokhohwa kuti “Mwari aasani” itusu tiri hama jakabatana mu mujimu, zvokadi kamare munyika yese, atina mukheto wo ganda no kuparajaniswa ngo zvomatongehwe o nyika. Ngo kudaro itusu tiri vakarongeka, tinoumba mundhu umwe.—Maitiro o Vapostori 4:13; 10:34, 35.

• Zvapupu zva Jehovha zvakafanana no vandhu vamweni here?

• Mutemo japi jakajijwa ngo Zvapupu zva Jehovha kubva mu Bhaibheri?