Díkwíishąʼ Jiihóvah Yá Dahalneʼé béédahonísin? Łaʼshı̨́ı̨́ nihił kéédahwiniitʼı̨́, nideilnish, daʼíiníiltaʼ doodaiiʼ Diyin God Bizaad bee ahił ndahwiisiilneʼgo átʼé. Háíshąʼ éí íiyisíí ádeiitʼį, dóó haʼátʼíí biniyé niheʼoodląʼ baa nidahwiilneʼ?

Nihił kéédahwiniitʼı̨́. Tʼáá nihígi átʼéego daʼníłtsʼą́ą́dę́ę́ʼ deiyíníikááh dóó nihił ndahazʼą́. Łaʼ éí niheʼoodląʼ łahgo ádaatʼéíí ńtʼééʼ, dóó God doo deiniidlą́ą da ńtʼééʼ. Tʼahdoo Jiihóvah Yá Dahalneʼé deidleeh yę́ędą́ą́ʼ Diyin God Bizaad bá nídahwiilʼaahgo binaʼnitin hazhóʼó nidasiilkááʼ. (Acts 17:11) Bídahwiilʼą́ą́ʼígíí binahjįʼ tʼáá nihí ádeiniidzı̨́įʼgo, Jiihóvah deisiidląądígíí bikʼeh ídaʼiilʼı̨́.

Diyin God Bizaad bídahwiilʼaahígíí nihíká análwoʼ. Diné bee bichʼįʼ anídahaztʼiʼígíí dóó ląʼígóó yiʼoh danilínígíí ałdóʼ nihił ákóhootʼé. Ndi Diyin God Bizaad bikʼehgo oodááłígíí tʼáá ákwíí jı̨́ beʼiilʼı̨́įgó niheʼiinaʼ siláagi bee yáʼátʼééh silı̨́ı̨́ʼ. (Psalm 128:1, 2) Éí biniinaa Diyin God Bizaad biiʼdę́ę́ʼ yáʼádaatʼééhgo bídahwiilʼą́ą́ʼígíí náánáłahjįʼ bee bił nidahwiilneʼ.

Diyin kʼehgo oodááłígíí binahjįʼ niheʼiinaʼ ádeilʼı̨́. Diyin God Bizaad binaʼnitin bikʼehgo oodááłígíí bee hatsʼíís bitah yáʼáhootʼééh áyósin, diné bił ídlı̨́, aʼááh hwiinidzin dóó doo honaʼadloʼgóó áhwiiłʼįįh. Díí átʼéego oodááłígíí diné doo bąąh tééhgóó baa hodzódlíigo diné yitah hólǫ́ǫ doo. Áádóó ałdóʼ hooghan hazʼą́ągi łááʼ ídlı̨́įgo dóó tʼááʼákohgi átʼéego hazʼą́ą doo. Nihił béédahoozįįdgo éí “God doo ałʼohgo dineʼé yaa nitsíkees da.” Áko tʼáá náhwiistʼą́ą́ ńtʼééʼ tʼáá łaʼ hajííjééʼ nahalingo nihee oodląʼ bee łááʼ daniidlı̨́. Ałʼąą dadineʼé doo bił ałkʼeedadiʼniiʼniih da, dóó diné bindahatʼaʼígíí doo yee ałtsʼá nihinił da. Azhą́shı̨́ı̨́ tʼáá ałtso diné bił kéédahwiniitʼı̨́ ndi, nihí éí łah átʼéego dah yiikah.​—Acts 4:13; 10:34, 35.

• Jiihóvah Yá Dahalneʼé yił kéédahatʼínígíí haʼátʼíísh yee yił ahedaałtʼé?

• Diyin God Bizaad biiʼdę́ę́ʼ Jiihóvah Yá Dahalneʼé haʼátʼíísh diyingo oodááłígíí yídahołʼą́ą́ʼ?