¿Masna Jehovahuaj testigogunara ricsingui? Huaquimbi camba huasi rayai causanchi, compañeroguna anchi, canhua Bibliamanda cuintanushcanchichari. ¿Pigunara anchi? ¿Imarasha ñucanchi quirishcaunara shujta runaunara rimanchi?

Tucui runauna chi samillarami anchi. Ñucanchipuraga tucui sami runauna tian, astaumbas charijcuna, pugriunas tian. Huaquingunaga shuj religionda charicanchi, shujcunaga mana quirij acanchi. Shinajpis Jehovahuaj testigoguna mana tucushcallaira, Bibliamanda yachasha alira intindicanchi (Rashcauna [Hechos] 17:11). Ali intindishaga, ñucanchillara Jehová Diosta sirvinara munashcanchi.

Bibliara yachashcamanda ali causanchi. Tucui runauna cuintallara, llaquiunara charinchi, pandarinchis. Shinajpis Biblia nishcara uyashcamanda, ñucanchi causai turcarishca (Lucas 11:28). Chiraigu Bibliamanda rimanchi.

Dios munashcasna causanchi. Biblia yachachishcaunaga ñucanchira yanapashca llaquinusha respetangahua, ama umachingahuas. Astaumbas tucui aillupura yanapanusha causangaj yanapan. Alimi yachanchi, “Diospa ñaupajpi tucui runauna chi tupulla anchi”. Chiraigu intiru mundui aillu cuinta causanchi, tucui sami runauna ashas llaquinunchi (Rashcauna [Hechos] 4:13; 10:34, 35).

• Jehovahuaj testigogunaga ¿ima tunu runauna anchi?

• Bibliaga ñucanchira ¿imara yachachishca?