Mbangani Bakamboni baJehova mbuzi? Bamwi besu balakonzya kabali basimayakilane bako, mbubelekaabo, naa mbwiiyaabo. Cimwi ciindi wakali wiiya abo Bbaibbele. Ndiswe bani loko? Nkaambo nzi nitwaambila bamwi nzitusyoma?

Tuli mbuli bamwi. Tuzwa kubukkale alimwi tulaa maponeno asiyene-siyene. Bamwi besu bakazwa muzikombelo zisiyene-siyene, pesi bamwi teebakali kusyoma pe muli Leza. Katutanaba Bakamboni, toonse twakasanguna kulanga-langa katutobelezya kabotu-kabotu injiisyo zyamuBbaibbele. (Incito 17:11) Kuzwaawo twakazizumina nzitwakayiiya, mpawo twakalisalila kukomba Jehova Leza.

Tulagwasigwa akwiiya Bbaibbele. Mbuli bantu boonse, tulalwana mapenzi alimwi akulubizya kwesu. Pesi kweezya kupona azyeelelo zyamu Bbaibbele buzuba-abuzuba, tulokubona kucinca kubotu kutaambiki mubuumi bwesu. (Intembauzyo 128:1, 2) Aaka nkiikamwi kaambo katupa kuti katubuzya bamwi zintu zibotu nzitwakajana mukwiiya Bbaibbele.

Tupona kweendelana anjiisyo zili muBbaibbele. Injiisyo eezi zijanika muBbaibbele, zitupa kuti katulimvwa kabotu, katubalemeka bamwi, alimwi katusyomeka akulibombya. Zigwasya bantu kuba abuumi buli kabotu alimwi zigwasya mpuli kuti zijatane. Katuzi kuti “Leza talangi ciimo,” nikuba kuti tuzwa kumasena asiyene-siyene, tuli mpuli yomwe yakumuuya munyika yoonse. Nikuba kuti tuli mbuli bamwi, kucita kwesu kupa kuti tusiyane abamwi.​—Incito 4:13; 10:34, 35.

• Muunzila nzi Bakamboni baJehova mubakozyene abamwi bantu?

• Ninjiisyo nzi Bakamboni baJehova nzibakiiya kuzwa muBbaibbele?