Ehia rahiraa Ite no Iehova ta oe i matau? E taata tapiri, e hoa ohipa, aore ra e hoa haapiiraa paha matou no oe. I paraparau aˈena paha matou ia oe i nia i te Bibilia. O vai mau â matou, e no te aha matou e faaite haere ai i ta matou mau tiaturiraa?

E taata noa hoi matou. Mea taa ê te huru oraraa e te tupuraa totiare o te tahi e te tahi. Na mua ˈˈe e haapaoraa ta vetahi, area te tahi atu, aita ïa i tiaturi i te Atua. Hou râ a riro mai ai ei Ite no Iehova, ua faataa matou paatoa i te taime no te hiˈopoa maite i te mau haapiiraa o te Bibilia. (Ohipa 17:11) Ua farii matou i te reira e ua faaoti matou tataitahi e haamori i te Atua ra o Iehova.

Te faufaahia nei matou i te haapiiraa i te Bibilia. E fifi e e paruparu to matou, mai to te taata atoa. Ma te tutava râ i te faaohipa i te mau aratairaa Bibilia, ua maitai mai to matou oraraa. (Salamo 128:1, 2) No reira matou e faaite ai i te taata i te mau mea maitatai ta matou i haapii i roto i te Bibilia.

Te pee nei matou i te mau aratairaa a te Atua. E tauturu teie mau aratairaa Bibilia i te taata ia oaoa, ia faatura ia vetahi ê, ia tapi i te haerea afaro e ia hamani maitai. Ia riro atoa ei taata feruriraa maitai e te rave i te ohipa, ia tahoê te mau utuafare e ia pee i te haerea maitai. Ua papu ia matou e “e ore te Atua e maitiiti i te taata.” Inaha, e fetii taeae nunaa rau matou aita roa ˈtu e amahamaha ra no te mau fifi poritita e i rotopu i te mau nunaa. Aita ˈtu e nunaa mai tera.—Ohipa 4:13; 10:34, 35.

• Eaha to te mau Ite no Iehova, mai to te taata atoa?

• Eaha te mau aratairaa ta te mau Ite no Iehova i haapii i roto i te Bibilia?