AKO 1
Ko Ai Koa Ia Te Kau Fakamoʼoni ʼa Sehova?
Danemark
Taïwan
Venesuela
Initia
ʼE ke iloʼi koa he tahi ʼi te kau Fakamoʼoni ʼa Sehova? ʼE lagi ko hou vahaʼa fale, peʼe ko hou kaugā gaue peʼe ko hou kaugā ako, peʼe ko he tahi neʼe kua palalau atu ʼo ʼuhiga mo te Tohi-Tapu. Kaʼe ko ai moʼoni koa ia matou? Pea he koʼe ʼe matou fakamafola ia te ʼu akonaki ʼae ʼe matou tui ki ai?
ʼE matou hage pe ko te hahaʼi fuli. ʼE matou ʼomai mai he ʼu agaʼi fenua pea mo ni aluʼaga fakasosiale kehekehe. ʼI muʼa atu, neʼe matou takitahi mo tana lotu pea ko ʼihi neʼe mole pe la natou tui ki te ʼAtua. ʼI muʼa ʼo tamatou liliu ko he kau Fakamoʼoni ʼa Sehova, neʼe matou toʼo he temi ke matou vakavakaʼi fakalelei ia te ʼu akonaki ʼo te Tohi-Tapu. (Gaue 17:11) Neʼe matou tali ia te ʼu akonaki ʼaia pea mo fai ia te tonu ʼae ke matou tauhi kia Sehova ʼAtua.
ʼE matou maʼu tapuakina ʼuhi ko te ako ʼo te Tohi-Tapu. Ohage pe ko te hahaʼi fuli, ʼe matou tau mo te ʼu fihifihia pea ʼe ʼi ai mo ʼomatou vaivaiʼaga. Kaʼe ʼi tamatou faigaʼi ʼae ke matou maʼuliʼi ia te ʼu pelesepeto Fakatohi-tapu ʼi te ʼaho fuli, ʼe matou tokagaʼi ʼona fua lelei ʼi tomatou maʼuli. (Pesalemo 128:
ʼE matou maʼuliʼi te ʼu lekula ʼa te ʼAtua. Ko te ʼu lekula ʼaia ʼe akoʼi ʼi te Tohi-Tapu ʼe ina uga tatou ke tou ʼofa pea mo fakaʼapaʼapa ki te hahaʼi, pea mo fai ia te ʼu aga ʼae ʼe lelei ohage ko te aga fakahagatonu pea mo te manavaʼofa. ʼE toe lagolago ki te maʼuli malolo pea mo te lelei ʼo te gaue ʼa te hahaʼi ʼo te fenua, pea mo ʼekenaki ia te logo tahi ʼi te famili pea mo te lelei ʼo te aga. ʼI tamatou iloʼi papau ʼae “ ʼe mole fakapalatahi te ʼAtua,” koia ʼe matou kau ki te foʼi famili fakalaumalie moʼoni ʼi te malamanei, he ʼe matou ʼateaina mai te ʼu fihi ʼi te ʼu lanu pea mo te politike. Logo la ʼe matou hage pe ko te hahaʼi fuli kaʼe ʼe matou faʼufaʼu ia he foʼi famili ʼe makehe.
-
Kotea ʼae ʼe tatau ai ia te kau Fakamoʼoni ʼa Sehova pea mo te hahaʼi fuli?
-
Kotea te ʼu lekula ʼae ʼe ako e te kau Fakamoʼoni ʼa Sehova ʼi te Tohi-Tapu?