მუსხი იეჰოვაშ მოწმეს იჩინენქ? შილებე ნამთინე სქან მეზობელ, კლასელ ვარდა სქანწკუმა მუშენსინ ფერ რდას. შილებე ბიბლიურ თემეფშე გიჩიებინ თინეფწკუმა. სინამდვილეს მი რენა იეჰოვაშ მოწმეეფი დო მუშენ ეჩიებნა შხვეფს მუნეფიშ რწმენაშენ?

ჩქი ჩვეულებრივ ხალხი ვორეთ. ჩქი შხვადოშხვა რჯულიშ დო სოციალურ ფენაშ ხალხი ვორეთ. ნამთინე ჩქინთაგანს გვალო შხვა რელიგია უღუდ, ნამთინეს ხოლო საერთოთ ვა წანდ ღორონთი. მარა სოიშა იეჰოვაშ მოწმეეფო გინიფრთუდითინ, თეიშა ჯგირო გეფჩინებაფეთ ბიბლიურ გურაფეფი (საქმეები 17:11). დებრწმუნით, ნამდა მუთ იბგურეთინ თინა ჭეშმარიტება რდუ დო უკულ გეგნობჭყვიდით, იეჰოვა ღორონთშა მიცემდესკო თაყვანი.

ბიბლიაშ გურაფა ჯგირობუას მომღანა. მუჭოთ არძან თეშ, ჩქი ხოლო ვობრძოლუთ პრობლემეფს დო ჩქინ არასრულყოფილებას. მარა ვოცადუთ გეგმიბრინუათ ბიბლიურ პრინციპეფი, ნამუთ ჯგირობუას მომღანა (ფსალმუნი 128:1, 2). ზუსტას თეშ გურშენ ურაგადუთ შხვეფს სახიოლო ამბეს, ნამუთ ბიბლიაშე გებგით.

ღორონთის მოწონსინ ფერ ფასეულობეფით ფცხოვრენთ. ბიბლია მოგურუანა, ნამდა ღორონთის მოწონსინ ფერ ფასეულობეფით ცხოვრება კინ ჩქინ საჯგირობუოთ რე. თეშ გარდა ბიბლიურ ნორმეფით ცხოვრება მოხვარნა პატი ფცათ შხვეფს, პატიოსანეფ ვორდათ დო ჯგირ უკეთათ არძას. ბიბლიურ ფასეულობეფით ვა რენო ქიცხოვრენთ-და, საზოგადოებაშ ღირსეულ წევრეფი იჸუაფუთ. იეჰოვაშ მოწმეეფი ოხვარნა ხალხის, ჯგირ ოჯახეფი უღდან დო იცხოვრან სუფთათ. არგამა რე, ნამდა ღორონთის გიშაკერძაფა ვა უჩქ, მუშენდა მსოფლიო საჯიმალოშ წევრეფი ვორეთ. ჩქი პოლიტიკას ვევერიებუთ დო ვართ მუთუნნერ რასობრივ ბარიერ არსებენს ჩქინ შქას. ჩქინ ორგანიზაციაშ წევრეფი ჩვეულებრივ ხალხი რენა, მარა ართო აკოკათელო მუთუნშა ვეშედარებენ ფერ საჯიმალო ვორეთ (საქმეები 4:13; 10:34, 35).

• მუ საერთო უღნა იეჰოვაშ მოწმეეფს შხვეფწკუმა?

• მუ იგურეს იეჰოვაშ მოწმეეფქ ბიბლიაშე, ნამუთ მართალო ღირებულ რე?