O zhè Ménjheuè-njiô Joovah méshô’ô? Émô’ é ghô ghô méghang nkô’ô mbaa pou, épimô’ é ghô méssoo afa’ kèè méssoo aji’è assikou lè. A ghô mô’ mbô o zeung nzi’nè Biible pô mô’ gning a nnô pôp. Mpeukè kwa’ ngô pô wô? Mpeukè ping ntôkté shoung métsoo mi mpeukè tông a nteu Biible a mbou épouô mela’akô?

Mpeukè zeuk pa’ émô’ épouô la. Mpeukè fhô a éji’ tseum a nteu ngông. Émô’ épouô a nnô peuk é lè a nteu émô’ métchôssi, épimô’ é ping té nông-ô mveung-è nguè Ndem a éwou. Mpeukè léghé tchi’ Ménjheuè-njiô Joovah, mbô mpeukè tsa’ mézi’né Biible mbông-ô. (Actes 17:11) Mpeukè lé veung métsoo mi mpeukè lé zi’né, mbing nkia mpeuk ngnwèt a létchi’è nguemtè Joovah Ndem nda’.

Mpeukè jheuè apè a lézi’nè Biible. Mpeukè zeung ngwuè zeuk ménguengue mbô mélô’ pa’ awuè-wuè la. Téta’, léfôk mbœu’ nzing anè ménteukné Biible élé’é tseum, é gheu ntsi lénang zeuk é koumné mbông. (Psaume 128:1, 2) Léghô wouô mèt, mè tshounè weuk a léghapté métsoo mbông mi mpeukè zi’nè a nteu Biible pô émô’ épouô.

Ménteukné Ndem mè tsang lénang tseuk. Ménteukné mèt é fhô a nteu Biible mbing nkuitè weuk a léwuè atshuè mbông, a léwou’té épouô métseum, mbô a lé zeung ngwuè atshuè mbông pa’ léshoung-ô anouneu, léwuè apông-ô nteu. Atshuè mbông jiô mèt, a gheu mpeukè ghô nténteu mbing ngô méghang-afa’ mbông a nteu ala’. A zeung seumté épouô ta’ atseung-è nguia a léjou’né mbing ngwuè akhouô lézing mbông. Mpeukè zhè té mi’té nguè “Ndem a té apa’té wè,” mela’poup tè mpeukè pou ntchou’té ngô ta’ atseung-è nguia a nteu ngông ntseum anè éshheu ajwakné, té pou ntswhiè aji’ zi mè fhô éwou. Tè mbô pa’ mpeukè zeuk pa’ émô’ épouô la, mpeukè ké ngô ta’ nnô ntswhi zeuk ntsi.​—Actes 4:13; 10:34, 35.

• Ménjheuè-njiô Joovah é ké ngô zôp pa’ émô’ épouô anè éwuè éshheu?

• Ménjheuè-njiô Joovah é lé zi’né aziè atshuè mbông a nteu Biible?