Tchwe ye 1931 le be a ka woung khouʼ a, pye le khé m ne môk ge “pe Jiʼte Bible”. Daʼge te fe gouʼ bô pye toʼ ne khé m ne môk ge pe Mkwithè Jéova. Medou pô kwè ge a be tso taʼ tchôsi se. Poʼo be a daʼ gre mgouʼ 2 700 te twôk paʼ kwi Si nyenyô le khé mghè faʼ pye ge “Mkwithè” pye a.​—Isaïe 43:10-12.

A gre pou jye Si Yôk. Tso Si, Jéova, le be tchum mbvo mŋaʼgne Bible mye pou le le mbou ne bve a, be a tchye medou mtchum shaʼa. Te, medou é ne pô pye wap thoute Bible ne she mghôm a, be wap le kwyepgne tso bô pou a mtso mkhouʼ paʼ Tchyepô ke Si a le. Poʼo be Si nyenyô le ghe ge Mosè jye é pou a tso tsye, Jéova, neng gôm bi é ge “Yeng be tso tse ne mama.” (Exode 3:15) É le be poʼo bo ne thé ne é ne goung pyeshe msi tchwepoung. Pye ŋwègne ne kwa tso dôlô Si.

A daʼte faʼ tsôk. Pô pebè ba pedjwi, be dendeng dze Si, thoʼ ne Abel, le ghe pintum ne Jéova neng ha ghamte bi é. M wôdzu le neng be tchye, Noé, Abraham, Sara, Mosè, David ba she pô le ping kho yap ne “dou veng mkwithè.” (Ébraïka 11:4–12:1) Taʼ Kwithè fing ne ghô dze pe saʼshè gôm ge mo ye pou we fyèʼ é a ka ghe sômywe tchwepoung. Sôʼ m ne pye, pye we tcheng ge pou jye nyenyô ne Si.

Yéso be ye taʼ kwithè. Bible khé é ge “Kwithè ye nyenyô, ye dendeng.” (Apokalipse 3:14) Kwaʼ yu le ghôm ge é ghe pou jye tso Si, neng “kwithè nyenyô.” (Yohané 17:26; 18:37) Ba pekhu pye gô kwa tso Si neng ghe pou jye ya. A ywe ye pe Mkwithè Jéova thela ne ghe a.

• Nweke pe Jiʼte Bible be wap le kwa tso “Kwithè Jéova”?

• Jéova le gre Mkwithè pye dem tchaʼ te fe so?

• Kwithè Jéova ye gwye be we?