Bwoñ benntùn num nkwade mbe a bʼa lén taʼ tshôssi nswe. Là, a tôg nguʼ 2 700 mba Nsi nenùn naʼ ntsiañ ghafaʼ tse tse “ghakwénta” là. (Esaya 43:10-12) Tà nkum nguʼ 1931, bo naʼ lèn yag à num lén ghaziʼde Ñwaʼni Nsi. Numke bag nket lén Ghakwénta Yaweh Nsi à?

A num ndaʼde yag Nsi. Lén Yaweh Nsi naʼ yà be yoñ ntshaʼ ntshaʼ ntùm ba njwèn nkide Ñwaʼni Nsi. Ntùm tsemoʼ ntode bo sô lén Nsi ze ndùb njab ba ndén nkuʼni mba Tshùaben bo Nsi là. Là, Nsi nenùn tswide wul i Mosé bo lén se, Yaweh Nsi, ntshob ndù: “A lén sàm nà matmat.” (Netume 3:15, MN.) Ndùlala, a be mbade boa nsi kebwô. A bʼa tsiañde neket lén Nsi ze nelàne.

A num mbagde sag faʼ. Zwiañ benntùn netoʼde num mèn netsin Abél, lo tswide yub bamntù mfà num Yaweh Nsi mbèn mbaʼ nkuan num lén se. Fe nguʼnguʼ, Noa, Abraham, Sara, Mosé, David, bo tsemoʼ lo tsho nka “tshen Ghakwénta” là. (Héber 11:4–12:1) Ndañndañ mba taʼ mèn be nkwé nta moʼ zʼa keʼ ghù nukebwô mbwe ghasaʼkam nà, bag num mbam netshob nenùn mfà num Nsi yag.

Bag nke mfiʼdʼà Yésu. Ñwaʼni Nsi be ntsiañ i “ngakwénta ze nenùne.” (Apokalipse 3:14) Yésu ze tu wut tshob mbʼa ghù bo lèn lén Nsi mbèn nèn mbwe nekwé nta num nunenùn mfà num Nsi. (Yohané 17:26; 18:37) Ndùlala koʼ ghaziʼde nu Yésu ghù neket yub lén Yaweh Nsi mbèn ngù bo lèn i. A ju ze Ghakwénta Yaweh Nsi num nkagtùn neghù là.

• Numke Ghaziʼde Ñwaʼni Nsi naʼ mbam nekét lén Ghakwénta Yaweh Nsi à?

• Ghakwénta Yaweh Nsi be num nsitshaʼ à fe zit ngelañ à?

• Ngakwénta Yaweh Nsi ze ndùb bʼa we?