Fiil layt mëner tas Yeehoowa sayn Tsayer te naame fon een naye relichioon is. Awer, mee wii 2.700 yoere hiner traan, ti tiiner fon te eensich woere Kot, sin wii sayn “tsayer” kenënt këp. (Isaías 43:10-12) Pis 1931, waare mëyer wii Piipel Xtutënte pekhant. Tan, fer was hon mëyer te naame Yeehoowa sayn Tsayer aan kenom?

Tiise naame ways weer unser Kot is. Soo wii mëyer khëne in te friirixe hant xrifte siin, Kot sayn naame, Yeehoowa, is tausente moole in te Piipel kexrip këp. Tiise naame is fon fiil iwersëtsunge raus ketuun këp, un in tëm sayn plats sin thitle wii Hër orer Kot hin kextëlt. Awer te woere Kot hot sayn naame, Yeehoowa, fer Mooses pekhant kemacht. Tee hot kesaat: “Tas is mayn naame fer imer.” (Êxodo 3:15) Soo, hot Ëyer ketsaycht tas ëyer anerste is wii ale falxe kote. Fer uns is es een eere, Kot sayn hayliche naame nëme.

Tiise naame pexraypt unser misioon. In te friirixe tsayte, fiil layt hon iire klaape aan Yeehoowa ketsaycht. Te ëyerste waar te kerëchte Apël. Torich ti tsayt, Noee, Aapraham, Sara, Mooses, Tawi un anere waare een teel fon te “kroos wolke fon tsayer”. (Hebreus 11:4–12:1) Wii een tsayer foer kericht een unxultich persoon hëlfe tuut, hon mëyer uns foer kenom mit te anere iwer ti woerheet iwich Kot se xprëche.

Mëyer tuun Yeesus sayn payxpiil noo mache. Ti Piipel saat tas Ëyer “te troy un woere tsayer” is. (Apocalipse 3:14) Yeesus hot kesaat tas ‘ëyer Kot sayn naame pekhant kemacht hot’ un wii een tsayer hot ëyer fon te woerheet iwer Kot kexproch. (João 17:26; 18:37) Tës weeche, mise ti woere kristen Yeehoowa sayn naame traan un pekhant mache. Tas is was Yeehoowa sayn Tsayer sich aan xtrënge fer se mache.

• Warom hon ti Piipel Xtutënte te naame Yeehoowa sayn Tsayer aan kenom?

• Wii lang hot Yeehoowa tsayer uf te Ëyert?

• Weer is te haupster Tsayer fon Yeehoowa?