Mia bunuzɛ oo o yɛlɛtaa kelɛ tɔ lɛ e Zihova la Kela kaa lɛ gbini Wala lɛɛ kɔ dɛɛ ka. Kɛɛ, kɛɛ 2,700 (waa peelɛ wũ salapeelɛ) aa diea, o kɛ Wala wanazɛ doo kpãaa la mia ni sipia “kela vɔ.” (Aazaya 43:10-12, NW) Kɛ kɛɛ 1931 (waa doo wũ sɛlɛisɛ la vũ yaaka wɛlɛ doo) e tĩa ɓɔɔɔ, o kɛ ko dɔpia Baabo Mɛdã-mia ka. Mɛɛ kɔa mɔɔ tɔ lɛ e Zihova la Kela vɔ kaa si ɓo?

Ko tɔɔ lɛɛ mi e ko Wala kaa zɔ̃ɔ̃. Wala kii ziizii lɛ e kɛ mɔɔ, laa zɔ̃ɔ̃ kelɛ Wala tɔ lɛ e Zihova kaa lɛ Baaboa yi waa bunuzɛ. Kɛɛ ɓaa lɛ gɛ̃ Baabo kii lɛ waa la niɛɛ bunuzɛ yia, o a tɔ e kilia mɛ vɔɔ waa si ko Daa-mi ɛ̃ɛ̃ Wala. Kɛɛ Wala wanazɛɛ e e die zɔ̃ɔ̃ Moozɛ lɛɛ a die tɔ e Zihova kaa ka, aa gee: “M tɔ lɛ e ke toa kili kaa.” (Ɛselɔ 3:15, NW) Zia, lɛ e e die kɛa gbɛɛ e kã wala nɛzɛ seĩ mɔɔ. Wala tɔ pulu e kilia kpɔ ko mɔɔ lɛɛ ko kɛ gɔɔgɔɔ.

Ko tɔɔ lɛɛ yɛɓo ko kɛɛ kèlekele. Mia ziizii ku gbuozɛ lɛ o gã e gbɛ̃a gɔ̃ kpeĩ lɛ o si Eɓɛ laa, o kela weɓo e gbɛ̃a wa zodɔamɔ lɛ e kɛ Zihova yia mɔɔ wɔ̃ mɔ. Kɛɛ wũ bunuzɛ lɛ aa diea yia, mia o kelɛ Noa, Eɓɔlɔhãã, Sɛwala, e bɛi, Mooze, Deɓe wa mia bunuzɛ o da “kelawe ɓomia ku gbuozɛ” o kea ba. (Hiibulu 11:4–12:1) Mi lɛ a wɔ̃ do kɛɛ wáa oo kela weɓo a la mɛĩsa ɓo kɛi. Zi nɔ dooa kaa, lɛ ko bɛ̃ɛ̃ ko dɔa gaga kɔaa wana wɔ̃ lɛ a gbɛ̃ɛ̃ lɛ ko Wala mɔɔ kɛ mia waa yi dɔɔ.

Tɔɔ kpɔ ko mɔ lɛ Zizɛ piegɔ̃ɔ ka. Baabo lɛɛ a si “kela zodɔamɔzɛ ɛ̃ɛ̃ wanazɛ.” (Wɛlɛvelesɔ̃ 3:14) Zizɛ die a gee kelɛ ‘e a kɛ o Wala tɔ dɔ’ ɛ̃ɛ̃ e kɛ “wanawɔ̃ɔ la kelawe ɓopia” pia e gbɛ̃a Wala mɔ. (Zɔ̃ɔ̃ 17:26; 18:37) A mɔɔ wɔ̃ mɔɔ laa mɔ Kɛlɛi la mia ni die kpokpoa o Zihova tɔ sɔlɔɓo ɛ̃ɛ̃ waa kɛ mia waa dɔ. Wɔ̃ e kea lɛ Zihova la Kela vɔ o dɔpia gaga o kɛɛ.

• Mɛɛ e kɛ lɛ Baabo mɛdã-mia o tɔ lɛ e Zihova la Kela vɔ kaa si ɓo?

• Kɛɛ wɛɛɛ pie lɛ Zihova la Kela vɔ waa kɛa ɓe kpoula zee?

• Deĩ lɛ e Zihova la Kela kpanazɛ kpokpoa ka?